Жердің бәрі - Ахметовтікі, Шөкеевтікі, Бақауовтікі

Бүгін Мәжілісте депутат министрге сенімсіздік білдіріп, бірнеше шенеунікті ірі жер иеленуші ретінде атады.

  • 28.12.2022
Фото: Parlam.kz

Ауыл шаруашылығы министрі Ербол Қарашөкеев Мәжіліс қабырғасында баяндама жасап, «мыңдаған гектар жер мемлекет игілігіне қайтарылды», - деген есеп берген.

Бірақ, депутат Берік Дүйсенбинов министрдің бұл сөзіне сенбейтінін, мемлекет меншігіне ешқандай жер қайтарылмағанын айтып, қарсы сауал қойды.

«Ербол Шырақбайұлы, сіз жаңа баяндама жасадыңыз. Бірақ сіздің айтып жатқан мыңдаған гектар жерді мемлекетке қайтарып жатырмыз деген сөзіңізге қатысты елдің сәлемін жеткізгім келіп отыр. Жақында елден келдік. Қай облысқа бармаңыз, жолдың оң және сол жағы да әкімнің жері. Қайтып жатқан жер жоқ. Мал ұстап, егін егіп отырған кісілер жерге зәру болып отыр», - деп бастаған депутат өзі аралаған өңірлердегі жер иелерін анықтап атауды да ұмытқан жоқ:

«Мына жердің иелерін тақтаға жазып қоюға не кедергі? Өскеменге барсаңыз, жердің бәрі Даниал Ахметовтікі, ал Павлодарға барсаңыз Бақауовтікі. Астананың маңайында Өмірзақ Шөкеевтікі. Оны айтуға бәрі қорқып отыр. Алайда сіздің баяндамаңызда айтылған мыңдаған гектар жер қайтарылды деген сөз – өтірік. Халықтың бәрі наразы болып отыр. Мал бағып отырғандарға жер жетпей жатыр. Сіздер осы әдемі баяндаманың орнына осыны қашан қолға аласыздар. Аты-жөнін жазыңыздар. Тақтаны іліп қоюға неге ұяласыздар? Бұрынғы отырған байлар солай отыр», - деді депутат Мәжілістің жалпы отырысында.Жақында елден келдік. Қай облысқа бармаңыз, жолдың оң және сол жағы да әкімнің жері. Қайтып жатқан жер жоқ. Мал ұстап, егін егіп отырған кісілер жерге зәру болып отыр», - деді.

Видео: Жердің бәрі - Ахметовтікі, Шөкеевтікі, Бақауовтікі

Қарашөкеев депутаттың бұл күтпеген сауалына ренжи жауап берді. Оның ләмінен «мен де соны айтып тұрмын ғой», - деген леп еседі.

«Мен әкімдердің жерлеріне тиіспей, қорғап отырмыз деген сөзді қабылдай алмаймын. Себебі, биыл 5,2 млн гектар жерді мемлекетке қайтардық. Ол кімнің жері? Сол әкімдердің жері», - деді ол.

Депутаттың сауалында аты аталған Даниал Ахметов 2014 жылдан бері Шығыс Қазақстан облысын басқарып келеді. 68 жастағы шенеунік жақында ғана президент Қасым-Жомарт Тоқаевтың жарлығымен ШҚО әкімі болып қайта тағайындалды.  

Болат Бақауов та Павлодар облысының экс-әкімі. Ол 2016-2020 жылдары Павлодар облысын басқарып, лауазымдық өкілеттігін асыра пайдалану фактісі бойынша күдікке ілініп, қызметінен кеткен.

«Астананың маңайына» қатысты аты аталған Өмірзақ Шөкеев 2004-2006 жылдары Астана қаласының әкімі болған.

Байланысты жаналықтар

ШҚО тұрғындары билікті басып алуды насихаттаған

11.06.2024

Қазақстан британдық Wanderlust журналының «жасыл» туризм бағыттарының тізіміне кірді

06.06.2024

Ауыл шаруашылығы министрлігіне жаңа вице-министр тағайындалды

05.06.2024

ШҚО-да ата-анасының қарауынсыз қалған бала суға батып кетті

02.06.2024

ШҚО-да су тасқыны қаупі бақылауға алынды

26.05.2024

Бүгін – көрнекті ғалым Кемал Ақышевтің туған күні

23.05.2024
MalimBlocks
ШҚО тұрғындары билікті басып алуды насихаттаған

Олардың облысты Қазақстаннан бөлу мақсатында референдум өткізу қажеттігі туралы сенімдері мен идеяларын білдіргені белгілі болды.

Қазақстан британдық Wanderlust журналының «жасыл» туризм бағыттарының тізіміне кірді

Бұл жобалар аймақтағы тұрақты туризм қауымдасытғын құрып, туристер үшін қолайлы жағдай жасауға ықпал еткені де айтылған.

Ауыл шаруашылығы министрлігіне жаңа вице-министр тағайындалды

2022 жылдан бастап осы уақытқа дейін Түркістан облысы әкімінің орынбасары болып қызмет етті.

ШҚО-да ата-анасының қарауынсыз қалған бала суға батып кетті

ТЖМ балаларды қараусыз қалдырмауды сұрайды

ШҚО-да су тасқыны қаупі бақылауға алынды

Қазір қорғаныс үйіндісі жасалған

Бүгін – көрнекті ғалым Кемал Ақышевтің туған күні

Ол Павлодар облысының Баянауыл кентінде туған.