Шенеунік 8 айда 80 миллион жымқырған

  • 17.04.2020
  • Malim Админ

Ірі көлемде ақша жымқырды деп айыпталған Ақтөбе қаласы әкімінің орынбасары екі айға қамауға алынды.  Прокурорлар 41 жастағы Жангелді ӘУБӘКІРОВТІ қала бюджетінің  сексен миллион теңгесін қалтасына басқан деп айыптап отыр. Судьяның сакциясына сәйкес күдікті тергеу аяқталғанша екі айға абақтыға қамалды.

Ақтөбе қаласы әкімінің экс-орынбасарына тағылған айып ауыр. Шенеунік тұрғын үй, комуналдық шауаршылық бөлімінің басшысымен бірге жаңажылдық безендіруге бөлінген қазынаның сексен миллион теңгесін шаруаға емес қалтасына басқан. Бір қызығы жергілікті билік бюджеттен осыншама ақша бөлгенімен,  қалаға шырша орнатып, әсемдеуді кәсіпкерлердің мойнына жүктепті. Алайда  басы пәлеге қалған шенеунік өзіне тағылған айыптарды мойындамай отыр.

Жангелді Әубәкіров Ақтөбеге дейін Ақтау қаласы  әкімінің орынбасары қызметінде  болған. Ал  Ақтөбедегі жаңа қызметке тоғыз ай бұрын ғана тағайындалған еді.  Ол қаланың құрылысынан бастап, комуналдық шаруашылығына жауап берді. Ең қызығы Жангелді Әубәкіров әкім орынбасары қызметінен бір апта бұрын, яғни карантин кезінде өз еркімен арыз жазып кеткен.

Фото: rikatv.kz

Жанар ҚОЖАНОВА

Байланысты жаналықтар

Қырғыздар президентін сотқа беріп жатыр

15.07.2020

Ұлттық саябақ жері жалға берілмек

26.03.2021

Шымкентте таза ауа басты назарда

06.05.2021

Уханда оқып жатқан қазақ студенттері елге жеткізілді

02.02.2020

Қырғыздар президентін таппай жүр

08.10.2020

Алматы толықтай жабылады

18.03.2020