Шалқарда жүзге жуық жұмысшы митингіге шықты

Жанар Қожанова

  • 12.01.2021

Бүгін Ақтөбе облысындағы Шалқар айналым депосының 100-ге жуық жұмысшылары наразылық акциясына шықты. «Қысқарту болады» дегенді естінген теміржолшылар «Жүк тасымалы» АҚ-ның кеңсесін басып кірді. Бұл туралы өңірдегі Мalim.kz сайтының тілшісі хабарлады.

Егер қықсарту болса Шалқар қаласы тоқыраған тоқсаншы жылдарға қайтып оралады. Компания қызметкерлерінің тең жартысы жұмыссыз қалуы ықтимал.

«Ембі өзінің локоматив бригадасының санын азайтпау үшін осы «плечоны» өзінің депосына алып бергісі келіп отыр. Егерде алып берген жағдайда Шалқардың айналым депосы бригадасының елу бес пайызы қысқартуға тура келіп тұр. Бәріміздің баламыз бар, отбасымыз бар. Несиеміз бар. Жұмыстан қысқарсақ, күніміздің қалай көреміз?» - дейді Аман БАЛГОЖИН есімді жұмысшы.

Теміржолшылардың сөзінше егер қысқарту басталса, Шалқардағы депо Ембі депосының қарамағына өтетін көрінеді. Ал басшылық дәл осы айтылған жоспарын іске асырса, онда Шалқардағы жұмысшылардың елу пайызы жұмыстарынан айырылады. Солай болатынын да күні кеше ғана басшылық ескертіп кетті дейді жиналғандар. Шалқар депосында қазір  300-ге жуық адам бар екен. Оның 128-і машинист, ал қалғаны көмекшілері мен кеңсе қызметкерлері. Алайда теміржолшылардың Ақтөбедегі басшылары қысқарту болмайды деп отыр. Жұмысшылардың не үшін жиналып, шу шығарып жүргенін өздеріміз де түсінбей отырмыз дейді.

«Өзімде жаңа әлеуметтік желіден көріп отырмын. Анықтаймыз. Ертең сөйлесу жұмыстарын жүргіземіз. Бірақ қысқарту болады деген әңгіме жоқ», - дейді «Жүк тасымалы» АҚ Ақтөбе облысы бойынша бөлім  директорының орынбасары Айбек ТАЛАСОВ.

Айтпақшы, жұмысшылар Шалқар ауданы әкімі Жанболат ЖИДЕХАНОВҚА дейін барды. Алайда жиналғандарды тыңдаған ешкім болған жоқ.

Фото автордікі. 

Байланысты жаналықтар

«Қытайлар айлығымызды көтермесе ереуіл тоқтамайды»

29.01.2021

Мұнайшылар аштық жариялады

26.01.2021

Алтын мен мысы көп ауылда мектеп жоқ

14.01.2021

Ақтөбеде 100 адам 120 мың шошқаға қарсы шықты

13.01.2021

Ақтөбелік 250 жұмысшы наразылыққа шықты

03.12.2020

Әкім Шахаровтың шаруасын жастар істеп жүр

05.11.2020
MalimBlocks
«Қытайлар айлығымызды көтермесе ереуіл тоқтамайды»

Мұнайшылар аштық жариялады

Алтын мен мысы көп ауылда мектеп жоқ

Ақтөбеде 100 адам 120 мың шошқаға қарсы шықты

Ақтөбелік 250 жұмысшы наразылыққа шықты

Әкім Шахаровтың шаруасын жастар істеп жүр