ЮНИСЕФ: Қазақстанда бойжеткендердің тең жартысы зорлық көріп отыр

Malim Админ

  • 23.04.2020

COVID-19 пандемиясының әлеуметтік-экономикалық әсері бүкіл әлем бойынша миллиондаған балаларға қиынға соғуы мүмкін. Бұл туралы  ЮНИСЕФ сайтында жазылды.

190-ға жуық елдегі мектептердің жабылуы 1,5 миллиард оқушыға теріс әсерін тигізген. Әлемдегі балалардың 60 пайызы толық немесе ішінара оқшаулау енгізілген елдерде тұрады екен. Соның ішінде Қазақстанда 4,5 миллионнан аса бала қашықтан білім алса, 300 000 баланың электрондық білім алу үшін техникалық құралдары жоқ. Шамамен 3000 кішігірім ауылдық көп салалы мектеп топтық білім беруді қамтамасыз етіп отыр.  Үкімет оқушыларға теледидар сабақтары кезінде ым тілімен түсіндіру жұмыстарына да күш салып жатқанмен, мүгедек және ерекше оқытуға мұқтаж балалар толық қатыса алмай жатыр.

ЮНИСЕФ деректері бойынша, балалардың көпшілігі білім алу мен қарым-қатынас жасау кезінде технологияларды пайдаланатындықтан, интернетті теріс әрі асыра пайдалану қауіпі артып келе жатыр. Қазақстанда 50 пайыз бойжеткендер отбасыда тәрбиенің зорлық әдістеріне ұшырайды, оның ішінде  21 пайызы дене жарақатын алып, 45 пайызы психологиялық агрессия мен зорлық-зомбылыққа тап болады екен (ақпарат көзі). Оқшаулау уақытында тұрмыстық зорлықтың деңгейі одан да жоғарылауы әбден мүмкін. Көптеген балалардың қауіпсіздігі мен аман-саулығына қауіп төнеді.

«COVID-19 нәтижесінде және оның экономикалық салдарынан балалар арасында кедейлік артады. Әлеуметтік қорғаныс шараларын күшейту аса маңызды және біз пандемиядан зардап шеккен кедей отбасыларға ақшалай көмектесіп жатқан Қазақстан Үкіметін толықтай қолдаймыз», - деді Артур ван Дизен, Қазақстандағы ЮНИСЕФ өкілі.

Фото: izdeu.info

Байланысты жаналықтар

Мамин бәрін өсіріп жіберіпті

15.09.2020

Есмағамбетова мамыр айында қанша адам коронавируспен ауыратынын айтты

22.04.2020

Ертеңнен бастап митинг туралы заң күшіне енеді

05.06.2020

Цойдың орынбасары Назарбаевты неліктен Ресей дәрігерлері емдегенін айтты

08.07.2021

Қазақстанда халық кедейленіп барады

12.04.2021

Кішкентай Вьетнам нән Қазақстаннан қалай озды?

22.07.2020
MalimBlocks
Мамин бәрін өсіріп жіберіпті

Есмағамбетова мамыр айында қанша адам коронавируспен ауыратынын айтты

Ертеңнен бастап митинг туралы заң күшіне енеді

Цойдың орынбасары Назарбаевты неліктен Ресей дәрігерлері емдегенін айтты

Қазақстанда халық кедейленіп барады

Кішкентай Вьетнам нән Қазақстаннан қалай озды?