Әкімдік қызметкерін «қатын» деген тұрғын жазаланды

  • 16.05.2020
  • Malim Админ

Қызылорда облысы Шиелі ауданына қарасты Ортақшыл ауылы әкімдігінің алдында карантин тәртібін бұзып, жайма базар жасағандарды бейнежазбаға түсірген тұрғын Гүлзинат САҒЫНДЫҚОВАНЫҢ басы дауға қалды. Тұрғынның карантин кезіндегі заңбұзушылықты телефонына түсіргеніне әкімдік қызметкері қарсы болып, ақыры екеуінің арасында жанжал туындаған. Іс насырға шауып, әкімдік қызметкері тұрғын менің ар-намысыма тиетін сөздер айтты деп сотқа арыз берген. Бірақ бір  қызығы, жәбірлендім деген азаматша да, куәгерлер де сотта тұрғынның не деп балағат сөз айтқанын естеріне түсіре алмады.

[caption id="attachment_3692" align="alignleft" width="300"] Әкімдік қызметкері Перизат Мусалимова[/caption]

«Мен мемлекеттік қызметкермін ғой. Менің ар-намысыма тиетін неше түрлі сөздер айтты. Менің нақты қазір есімде жоқ. Бірақ "қатын" деген сөздер бар», - дейді Ортақшыл ауылы әкімдігінің маманы Перизат МУСАЛИМОВА.

Алайда сотта куәгер болған адам да жанжал кезінде не айтылғанын есіне түсіре алмады.

«Ол жерде біраз сөз айтылды енді. Бірақ менің есімде қалған жоқ. Осы ауылдың қатыны ма деген сөздер айтылды», - деді куәгер.

Сотта жәбірленуші болған әкімдік қызметкеріне тұрғынның «қатын» деген сөзі қатты тисе керек. Судья жәбірленушінің сөзіне нанып, әкімшілік кодекстің 434-бабына сәйкес  9 мың теңге айыппұл салды.

[caption id="attachment_3693" align="alignleft" width="300"] Судья Марат Күздеубаев[/caption]

«Сізді кінәлі деп тауып тұр. Себебі 30 сәуір күні сізден жәбірленушіге қатысты ар-намысына тиетін балағат сөздер айтылған. Және қоғамдық орында сыйламаушылық әрекеттер жүргізген», - дейді Шиелі аудандық сотының судьясы  Марат КҮЗДЕУБАЕВ.

Ал бұл шешімге келіспеген тұрғын апелляциялық сотқа шағымданбақшы.

«Бұлар өздері карантин тәртібін бұзып тұрса да, маған жала жауып отыр. Мен рамазан айында жаман сөз айтпаймын. Егер балағат сөз айтты десе, фактілерін көрсетсін. Қазір өтірік куәгерлікке 5-6 адамды ертіп әкеліп отыр», - деді тұрғын Гүлзинат  САҒЫНДЫҚОВА.

Фотолар автордікі.

Абай НҰРЖАНҰЛЫ

 КӨШІРІП БАСУҒА БОЛМАЙДЫ!

 

 

 

Байланысты жаналықтар

Шымкентте өрт қауіпсіздігі басты назарда

12.03.2021

Қазақстанда қанша дәрігер коронавирус жұқтырды?

03.07.2020

17 млн жеп қойған жамбылдық бухгалтер ұсталды

26.06.2020

Қашанда жақсылық жасауға құмар болу керек

26.08.2020

Сенатқа келген заң мәжіліске кері қайтты

14.05.2020

Қоғам еңбек құндылықтарын қабылдауды өзгертуі керек

04.09.2020