Бақауов бостандыққа қалай шықты?

Malim Админ

  • 27.05.2020

Павлодар облысының бұрынғы әкімі Болат БАҚАУОВҚА сот үкімі шықты. Экс-әкім 3,6 жылға бас бостандығын шектеу жазасына кесілді. Сондай-ақ Бақауов, сот үкімі бойынша,  100 сағат қоғамдық жұмысқа тартылады.

"Сот Бақауов Болат Жұмабекұлын Қылмыстық кодекстің 361-бабының 4-бөлімі 3-тармағы (қызмет бабын асыра пайдалану) бойынша айыпты деп танып, оның бас бостандығын 3 жыл 6 айға шектеу, бүкіл жаза мерзімінде пробациялық бақылауда болып, мемлекеттік қызметті  атқару құқығынанөмір бойына айыру жазасына кесті", - деді үкімді оқыған Павлодар қаласы №2 сотының судьясы Нұрлан Қайырбеков.

Бақауов сот үкімі бойынша 100 сағат қоғамдық жұмыстарға тартылады.

Сонымен қатар экс-әкім "Ерен еңбегі үшін" медалі мен "Құрмет" орденінен айырылады.

Бүгін түске дейін онлайн өткен сот отырысында мемлекеттік айыптаушы Елена Белова экс-әкімнің бас бостандығын шектеуді сұраған.

Бақауов сотқа WhatsApp қосымшасы арқылы қатысты.

Мемлекеттік айыптаушы сотта бұрынғы әкім кінәсін толық мойындап, прокурормен процессуалды келісімге келгенін мәлімдеді. Мемлекеттік айыптаушы Бақауовты 3 жыл 6 айға бас бостандығын шектеу жазасына тартуды сұраған.

16 қаңтар күні ұсталған Болат Бақауовқа қызмет бабын теріс пайдаланды деген айып тағылған. Бұл айып бойынша дүние-мүлікті тұтқындап, 7 жылға дейін бас бостандығынан айыру немесе 7 жылға дейін бас бостандығын шектеу жазасы қарастырылған.

Болат Бақауов өзіне тағылған айыпты толық мойындады. Сотта Болат Бақауов 165 миллион теңге көлемінде тигізген залалын төлегені белгілі болды.

Фото: pavon.kz

 

Байланысты жаналықтар

Қамалған депутат "Nur Otan"-нан шығарылды

27.05.2021

«Nur Otan» депутаты сот шешімімен қамалды

26.05.2021

Облыс әкімін сотқа берген Ақсу әкімі қызметінен босатылды

21.05.2021

Балалар дәретханасына камера орнатқан шенеунік жауап берді

01.06.2020

Қала әкімі облыс әкімін сотқа берді

20.05.2021

Экс-әкім Бақауов қай президенттен кешірім сұрайды?

26.05.2020
MalimBlocks
Қамалған депутат "Nur Otan"-нан шығарылды

«Nur Otan» депутаты сот шешімімен қамалды

Облыс әкімін сотқа берген Ақсу әкімі қызметінен босатылды

Балалар дәретханасына камера орнатқан шенеунік жауап берді

Қала әкімі облыс әкімін сотқа берді

Экс-әкім Бақауов қай президенттен кешірім сұрайды?