Оқушылар Аймағамбетовті тыңдамай жатыр

Malim Админ

  • 22.06.2020

ҰБТ-2020 басталды. Ұлттық бірыңғай тестілеудің алғашқы күні 6 206 оқушы тест тапсырған. Араларында тәртіп бұзып, тестке жіберілмегендер де бар. Бұл туралы ғылым және білім министрлігі хабарлады.

"Бүгін 6 206 адам ҰБТ нәтижелерін алады, оларға электронды сертификат беріледі. Бүгін 6 512 адам тестілеуден өтуді жоспарлаған. 144 талапкер ҰБТ-ға келмеді. 2 талапкерде жоғары температура анықталды, олар ҰБТ-ны басқа күні тапсырады. ҰБТ-ға қатысушыларды тәуелсіз сарапшылар қадағалады", - деді министрлік.

Биылғы тестілеудің жылдағыдан өзгеше болатыны бұған дейін де хабарланған. Ең басты мәселе – корнавирусқа қатысты сақтық шаралары болғанмен, одан өзге де талаптар күшейтілген. Соның бірі – қолдануға болмайтын заттармен ұсталғандардың биыл мүлде тест тапсыра алмайтыны. Оқушыларға мұндай жазаның қолданылатынын Асхат АЙМАҒАМБЕТОВ басқаратын министрлік бұған дейін бірнеше мәрте хабарлаған. Бірақ, оқушылар Аймағамбетовті тыңдай қоймайтын сияқты. Мәселен, ҰБТ-ның алғашқы күні ғана 160 оқушы осындай әрекетімен ұсталып, тесттен шеттетілді. Енді олар оқуға бір жыл кешігіп тапсыруға мәжбүр болады.

"Алғашқы күннің қорытындысы бойынша: тыйым салынған заттарды алып өтуге тырысқаны үшін 73 және ережелерді бұзғаны үшін 87 талапкер, яғни 160 адам тест тапсыру мүмкіндігінен айырылды. Олардың басым көпшілігі Түркістан облысы мен Шымкент қаласында тіркелген", - делінген министрлік есебінде.

Бұл 160 оқушы бір күн ішіндегі тәртіп бұзғандардың ақырғы саны емес, бұл цифр әлі де өсе түсуі мүмкін. Өйткені, «25 тамызға дейін әр аудиториядан алынған бейнежазбаны мамандар зерделейді».  Бейнекамерадан қандай да бір тәртіп бұзу анықталса, талапкердің тест нәтижелері жойылады. Тіпті, грант тағайындалып үлгерген оқушылар да «оқудан шығарылады".

ҰБТ-2020 21 маусым мен 5 шілде аралығында өтеді.

Байланысты жаналықтар

Мәмин вирусқамақта, Аймағамбетов пен Сапарбаев қайтер екен?

14.06.2020

"Аймағамбетовтің орынбасары ақша жымқырды деген күдікке ілінді"

22.07.2020

ҰТБ-ға енді калькулятор алып кіруге болады

02.06.2020

ҰБТ-ны екі рет тапсыруға мүмкіндік беріледі

05.04.2021

ҰБТ-ға қандай санитарлық талаптар енгізілді?

15.06.2020

Аймағамбетов "жемқорлықпен ұсталған" орынбасары туралы айтты

27.08.2020
MalimBlocks
Мәмин вирусқамақта, Аймағамбетов пен Сапарбаев қайтер екен?

"Аймағамбетовтің орынбасары ақша жымқырды деген күдікке ілінді"

ҰТБ-ға енді калькулятор алып кіруге болады

ҰБТ-ны екі рет тапсыруға мүмкіндік беріледі

ҰБТ-ға қандай санитарлық талаптар енгізілді?

Аймағамбетов "жемқорлықпен ұсталған" орынбасары туралы айтты