Дауылдан соң: Мырзахметов кетті, Сапарбаев келді

Malim Админ

  • 10.02.2020

Бүгін ғана екі бірдей шенеунікті президент Қасым-Жомарт ТОҚАЕВТЫҢ тапсырмасымен орнынан босатқан Жамбыл облысының әкімі Асқар МЫРЗАХМЕТОВТІҢ өзі де қызметінен кетті. Бұл туралы Malim.kz Ақорда сайтына сілтеме жасай отырып хабарлайды.

«Мемлекет басшысының жарлығымен Мырзахметов Асқар Исабекұлы Жамбыл облысының әкімі қызметінен босатылды», - делінген хабарламада.

Ол бұған дейін «Нұр Отан» партиясы төрағасының орынбасары, премьер-министрдің орынбасары, Ауыл шаруашылығы министрі сияқты лауазымды қызметтер атқарған. Бұрын бір мәрте әкім де болған. Оңтүстік Қазақстан облысын 2009-2015 жылдар аралығында басқарған. Мырзахметов Жамбыл облысының әкімі болып 2018 жылы тағайындалған еді. Енді шенеунік қай қызметке барар екен? Айтпақшы, Асқар Исабекұлы да Сапарбаев сынды вице-премьер қызметінде болған. Біздегі дәстүр бойынша, бәлкім, айналып кеп бұрынғы орнына қайта жайғасар. Ол орын босап та тұр ғой...

Фото: forbes.kz

Мырзахметовтің орнынан түскені туралы ақпараттан кейін көп өтпей-ақ Ақорда сайты «Бердібек Машбекұлы Сапарбаев Жамбыл облысының әкімі болып тағайындалсын, ол Қазақстан Республикасы Премьер-Министрінің орынбасары қызметінен босатылсын» деген президент жарлығын жариялады.

67 жастағы саясаткер осымен Қазақстанның бесінші облысын басқарып отыр. Түркістан, Қызылорда, ШҚО, Ақтөбе енді міне Жамбыл облысының басшысы. Әзірге бес бірдей облысқа әкім болған басқа шенеунік еске түспей тұр. Сондай-ақ, Бердібек Мәшбекұлы Еңбек және халықты әлеуметтік қорғау министрлігін екі рет басқарған. Және вице-премьер лауазымында да екі рет болған.

Фото: Malim.kz

Байланысты жаналықтар

Қордай оқиғасына қатысы бар ағайынды 3 жігіт қамауға алынды

18.02.2020

Нұр-Сұлтан жабық қалаға айнала ма?

17.03.2020

Әлеуметтік желідегі дүңген дауы

08.02.2020

Сотқа сенбейтін Сейсембайды әлеуметтік желі қорғай ма?

21.04.2020

Әбдіхалықов "бал айында жүр", Райымқұлова "құттықтайды"

15.02.2020

Сапарбаев уәдесінде тұрмаса, жолды жауып, пойызды тоқтатамыз

25.10.2021
MalimBlocks
Қордай оқиғасына қатысы бар ағайынды 3 жігіт қамауға алынды

Нұр-Сұлтан жабық қалаға айнала ма?

Әлеуметтік желідегі дүңген дауы

Сотқа сенбейтін Сейсембайды әлеуметтік желі қорғай ма?

Әбдіхалықов "бал айында жүр", Райымқұлова "құттықтайды"

Сапарбаев уәдесінде тұрмаса, жолды жауып, пойызды тоқтатамыз

«Батыс Еуропа – Батыс Қытай» халықаралық көлік дәлізінің бойындағы Жамбыл облысы Байзақ ауданындағы Ақшолақ ауылының тұрғындарына жергілікті билік уәде бергенімен, газ жұмыстары әлі жүргізілмепті.