Қайтыс болған дәрігерлерге «Еңбек Ері» атағы берілді

  • 13.07.2020
  • Malim Админ

13 шілде – Қазақстанда коронавирустан қайтыс болғандарды аза тұту күні қарсаңында президент Қасым-Жомарт ТОҚАЕВ індетпен күресте қаза болған бірқатар медицина қызметкерлерін марапаттады.

Akorda.kz сайтының жазуынша, «Қазақстан Республикасына сіңірген аса үздік еңбегі, қызметтік борышын атқару үстінде көрсеткен жанқиярлығы үшін» Исаев Олег Николаевич (марқұм) мен Қозбағаров Қалихан Есбосынұлына (марқұм) «Қазақстанның Еңбек Ері» атағы беріліп, Алтын жұлдыз және «Отан» ордені тапсырылған.

Олег Исаев – қайтыс болар қарсаңда Көкшетау қалалық көпбейінді ауруханасының анестезиология және реанимация бөлімшесінің меңгерушісі қызметін атқарған. 1967 жылы Шығыс Қазақстан облысы, Семей қаласында туған. 26 жылдан бері медицина саласында қызмет етіп келген.

«Коронавирустық инфекциямен күресудің алғашқы күндерінен бастап Олег Николаевич үйінен кетіп, еркін  түрде ауруханаға келіп, жұмыс орнында 12 сағаттан астам тұрып, пациенттердің өмірін сақтап қалды. Адамдардың қайғы-қасіретін көре отырып, өлімге душар болған адамдарға жанашырлық танытты және осылайша оның денесінің қорғаныш қасиеттерінің төмендеуіне әсер еткен үлкен психологиялық күйзелістерге ұшырады», деп жазылған марқұм Исаевты марапаттау парақшасында.

Қалихан Қозбағаров – Ақтөбе облыстық клиникалық жұқпалы аурулар ауруханасының бас дәрігері болған. 1960 жылы Ақтөбе облысында туған. 36 жылдан бойы медицина саласында қызмет еткен.

«Ол өзін сауатты маман, қабілетті ұйымдастырушы және білікті басшы ретінде көрсетті. Оның басшылығымен КВИ таралуымен күрес бойынша жұмыс ұйымдастырылды. Еңбек ұжымы лайықты құрмет пен беделге ие», делінген марқұм Қозбағаровты марапаттау қағазында жазылған мінездемеде.

Байланысты жаналықтар

Қазақстанда 150 мың науқас коронавирус пен пневмониядан емделді

27.07.2020

Серік Жаманаев 19 жылға сотталды

18.01.2021

Сайлау учаскем қайда?

27.11.2020

Әкімдік қызметкерін «қатын» деген тұрғын жазаланды

16.05.2020

«Антибиотикті асыра пайдалану науқастың жағдайын ауырлатады»

08.07.2020

Түркістандағы қайғылы оқиғаның мән-жайы белгілі болды

27.02.2021