Атырау облысының әкімі кеткелі жатыр

  • 29.09.2020
  • Malim Админ

Орынбасары істі болып, қомақты пара алды деген айыппен ұсталған Атырау облысының әкімі Махамбет ДОСМҰХАМБЕТОВ отставкаға кетуге дайын. Ол бұл туралы Astana арнасына берген сұхбатында айтты деп хабарлайды Malim.kz.

Досмұхамбетовтің бірінші орынбасары Нұрлан ТАУБАЕВ пен құрылыс басқармасының басшысы Тимур БАСАРОВ 182 млн теңге көлемінде пара алды деген күдікпен 10 қыркүйекте ұсталған. Бірақ, Таубаев бұл айыппен келіспейтінін, өзіне жала жабылғанын айтуда.

Ал, Атырау облысының әкімі егер орынбасарының қылмысы дәлелденсе отставкаға кетуге дайын екенін айтады.

«Заң ғой. Ол бәрімізге ортақ. Егер ондай тергеу жұмыстары, сот шешімі болса, онда заң бойынша мен отставкаға беруге дайынмын», - дейді әкім.

Оқи отырыңыз: Таубаевтың «екпіні» Махамбетті әкімдіктен айыра ма?

Бірақ, Досмұхамбетов отставкаға өтініш бергенмен, кеткісі жоқ сияқты. Өйткені, отставка туралы өтініші қабылданбай қалатын шығар деп үміттенетіндей.

«Ар жағы президент шешімі, қабылдайды, қабылдамайды. Сол кісі біледі», - біледі дейді.

Айта кету керек, Нұрлан Таубаев 2020 жылдың мамыр айында ғана Досмұхамбетовтің бірінші орынбасары болып тағайындалған.

Оқи отырыңыз: Шалабеков жемқорлықпен ұсталды. Әубәкіров қайтпек?

Байланысты жаналықтар

Сарыағаш тұрғындары партия бағытын қолдайды

28.12.2020

ЖСДП сайлауға қатыса ма?

21.10.2020

Дүйсекенова қаржы министрлігімен соттаспақ

07.12.2020

"Бекетаев, тәуелсіз заңгерлерден қолыңды тарт"

23.02.2021

Дариғамен билеген Sulpak-тың қожайыны кім?

26.06.2020

Бақтияр Өнербаев отставкаға кете ме?

09.07.2020