Жээнбеков аяқ асты неге кетті?

Malim Админ

  • 15.10.2020

Қырғыз президенті Сооронбай Жээнбеков президенттіктен өз еркімен кетті. Қазір біраз сарапшылар оның бұл кетісін сан саққа жүгіртіп жатыр. Соның бірі Қырғыздың бұрынғы премьер-министрі, «Ар-Намыс» партиясының лидері Феникс КУЛОВ.

Оның айтуынша, Жээнбековте отставкаға кету туралы ой болмаған. Ол оның бұл шешімді аяқ асты қабылдауына қандай да бір күштер ықпал еткен болу керек деп есептейді.

«Президенттің - ішінде мен де бар, - қоғам белсенділерімен болған кездесуі бүгін сағат бірде аяқталды. Отставка туралы әңгіме болған жоқ. Содан кейін резиденцияға Садыр ЖАПАРОВ пен Қамшы ТАШИЕВ келді. Сосын, міне жаңалық: Президент аяқ асты пікірін өзгертеді де күтпеген жерден отставкаға кетеді. Бұл жерде бір-ақ қорытынды шығаруға болады: қандай да бір күштер (қандай күш екені ерте ме, кеш пе белгілі болады) билікті күштеп тартып алмақ болып бекінген де, Президенттің алдына таңдау қойған: өз еркімен отставкаға кету не соғыс, ешқандай тырнақшасыз, кәдімгі соғыс. Әйтпесе, ел дағдарып тұрғанда, адам жайдан жай биліктен кете салмайды», - дейді Кулов Facebook парақшасында.  

Президенттің отставкасынан кейін парламентті тарату туралы талап қойыла бастаған. Кулов парламент тараса, елдегі бүкіл билік премьер-министрдің қолына өтеді, демек, бұл да алдын ала ойластырылған мәселе екеніне сенімді.

Ол сондай-ақ, егер Жапаров билікті басқа бір мақсатта пайдаланам десе, оны да бұған дейінгі абыройсыздықпен кеткен ел басшыларының тағдыры күтіп тұрғанын айтады. Бұл бейбастақ жағдайлар онсыз да тұралап тұрған ел экономикасына зор қауіп төндіреді, қазіргі тәртіпсіздіктен кейін сырттан ешқандай инвестор келмейді, шекара жабылады, мигранттар үшін де қауіпті жағдай орнайды деп есептейді.

Айта кету керек, бүгін Қырғыз президенті Сооронбай Жээнбеков елдегі толқулардан кейін өз еркімен отставкаға кетті.

Байланысты жаналықтар

Қырғызстан экс-премьерін тергеу тоқтатылды

24.03.2021

"Ханституция" vs Конституция: Жапаров Ақаев пен Бакиевтің ізін жалғай ма?

13.04.2021

Қырғызстанның уақытша президенті отставкаға кетеді

26.10.2020

Экс-президент тергеуге шақырылды

29.01.2021

Қырғыздар президентін сотқа беріп жатыр

15.07.2020

Қазақстанға келмек Қырғызстан президенті Ресейде жүр

25.02.2021
MalimBlocks
Қырғызстан экс-премьерін тергеу тоқтатылды

"Ханституция" vs Конституция: Жапаров Ақаев пен Бакиевтің ізін жалғай ма?

Қырғызстанның уақытша президенті отставкаға кетеді

Экс-президент тергеуге шақырылды

Қырғыздар президентін сотқа беріп жатыр

Қазақстанға келмек Қырғызстан президенті Ресейде жүр