«Борат-2» фильміне қарсы жастар АҚШ консулдығына барды

Есдәулет Қызырбекұлы

  • 23.10.2020

Бүгін Алматыда қаласында «Намыс» қозғалысының өкілдері «Борат-2» фильміне қарсы акция ұйымдастырып, АҚШ консулдығына арнайы петиция тапсырды.

Белсенділерді консулдық алдында ғимараттың қауіпсіздігіне жауапты полиция қызметкері күтіп алды. Олар петицияны тапсыруға тек бір адамның кіре алатынын айтты. «Намыс» қозғалысының жетекшісі Азамат Ғалымжанұлы мен ұйым мүшесі Мақсат Мамадияров консулдық өкілінің сыртқа шығуын немесе ішке екі адамның кіруіне рұқмат беруді талап етті. Кейіннен полиция екі адамның ішке кіруіне келсіті.

Азамат Ғалымжанұлының сөзінше, белсенді жастар АҚШ-тың Алматы қаласындағы бас консулы Эрик Майердің атына «Борат-2» фильміне тыйым салуды талап етіп петиция жазған.

«Бұл (Борат-2 фильмі – ред) біздің намысымызға,ар-ұжданымызға, ұлтшылдығымызға кері әсерін тигізіп жатыр. Соны көре отырып, біз үнмемей қала алмадық. Петицияға «Намыс» қозғалысының мүшелері мен өзге де ұлтжанды азаматтар қол қойды», - дейді Ғалымжанұлы.

Мақсат Мамадияровтың пікірінше, Қазақстанның СІМ әлі күнге дейін үнсіз екендігін айтып, ведомстваны заң аясында тиісті шаралар қабылдауға шақырды.

«Сыртқы істер министрлігі өткендегі «Борат-1» фильмі кезінде айтары болса айтуы керек еді ғой. Олар әлі үнсіз. Білмеймін бұның қашанға дейін жалғасатынын. СІМ сіздердің «құлақтарыңызға алтын сырға», осы мәселені заң аясында қолға алсаңыздар. Біз қазір үндемесек, ертең басқа да масқаралар шығады», - дейді Мамадияров.

Петицияны тапсырып шыққанан кейін Азамат Ғалымжанұлы мен Мақсат Мамадияров петицияны конулдық қызметкерлері қабылдағанын және оны бас консулға жеткізуге уәде бергенін айтты. Азамат Ғалымжанұлы «егер консулдық тиісті шараларды қабылдамаса, онда алдағы уақытта Нұр-Сұлтан қаласындағы АҚШ елшілігіне дәл осындай петиция тапсыратындарын» жеткізді.

Ұлыбританиялық актер, комик Саша Барон Коэн 2006 жылы «Борат-1» фильмін түсірген. Ол кезде де бұл фильм Қазақстанда қызу талқыланып, режиссер Еркін Рақышев қарсылық ретінде «Менің ағам – Борат» киносын түсірген. «Борат-2» фильмін премьерасы қазанның 23-іне жоспарланған. Бұған дейін киноның жарнамасы Австралия, Ұлыбритания, АҚШ елдерінде жасалған.

Байланысты жаналықтар

"Борат-2" – үздік комедия, Саша Коэн – үздік актер

01.03.2021

"Борат" қазақты тағы мазақ ете ме?

25.08.2020

Билік "Боратты" жеңе ала ма?

24.10.2020

Сыртқы істер министрлігі "Борат-2" фильміне байланысты мәлімдеме жасады

24.10.2020

Ту туралы заң және "Борат-2"

27.10.2020

Бақытбек Смағұл: "Бораттан" гөрі жерімізге көз сүзген қытайлықтар мен ресейліктер қауіпті

26.10.2020
MalimBlocks
"Борат-2" – үздік комедия, Саша Коэн – үздік актер

"Борат" қазақты тағы мазақ ете ме?

Билік "Боратты" жеңе ала ма?

Сыртқы істер министрлігі "Борат-2" фильміне байланысты мәлімдеме жасады

Ту туралы заң және "Борат-2"

Бақытбек Смағұл: "Бораттан" гөрі жерімізге көз сүзген қытайлықтар мен ресейліктер қауіпті