2003 жылы жарық көрген оңтүстіккореялық "Олдбой" фильмі – режиссер Пак Чхан Ук түсірген кек туралы ең танымал трилогияның екінші бөлімі. Киноның бюджеті небәрі 3 миллион доллар болса да, әлемдік прокатта 15 миллион доллардан астам табыс әкеліп, 46 халықаралық марапатқа ие болды. Квентин Тарантино бұл туындыны нағыз шедевр деп бағалаған, деп хабарлайды Malim.kz.
"Олдбой" (2003): жанры мен қысқаша мазмұны
Фильмді бір жанрға жатқызу қиын: ол – триллер, драма және қылмыстық детектив элементтерінің үйлесімінен құралған. Оқиға 1988 жылдан басталып, 15 жыл бойы белгісіз жерде оқшауланып ұсталған бизнесмен О Дэ Су тағдырын баяндайды.
Фильм сюжеті қысқаша: О Дэ Суды белгісіз адамдар ұрлап, жабық бөлмеде 15 жыл бойы ұстайды. Ол бұл уақыт ішінде жұбайының қаза болғанын біледі, галлюцинациялар көреді, өзіне қол салмақ болады және өткен өмірінде ренжіткен адамдардың тізімін жазады. 15 жылдан соң ол еш түсініктемесіз босатылады. Бостандыққа шыққан соң Дэ Су ресторанда Ми До есімді қызбен танысады – ол басты кейіпкерге көмектесуге шешім қабылдайды.
Өз "түрмесін" тапқан О Дэ Су істің түбі кек алу екенін түсінеді. Қарсыласы Evergreen (Ли У Чжин) оған шарт қояды. Егер Дэ Су себепті таба алса – У Чжин өзін өлтіреді. Егер таба алмаса – Ми До өледі.
Дэ Су мектеп жылдарында өзі байқамай таратқан қауесет салдарынан У Чжиннің әпкесі қайтыс болғанын біледі. Бұл екі ер адамның тағдырын тоғыстырған басты трагедия еді.
"Олдбой" – Минегиси Нобуаки мен Цутия Гаронаның мангасының еркін адаптациясы. Продюсер Ким Дон Чжу манганың құқықтарын сатып алып, режиссуруды Пак Чхан Укке сеніп тапсырған. Пак Чхан Ук мангадан тек үш негізгі элементті қалдырды: жасырын түрме, адамның түрмеден кейін "қайта тууы", ашық ойнаған жау бейнесі.
Фильмнің корей нұсқасы әлемдік сыншылардан жоғары баға алған. Ал 2013 жылғы америкалық ремейк оған жетпеген. Көпшілік фильмді ерекше, батыл, қатігездігімен әсер қалдыратын туынды деп санайды.
2003 жылы түсірілген "Олдбой" фильмі – тек қатыгез кек туралы емес, адам психологиясын, ұят, кінә, жазалау мен кешіру ұғымдарын терең зерттеген күрделі шығарма. Ол көрерменді алғашқы минутынан тартып алып, финалға дейін жібермейді. Фильмді түсінуге күш салу қажет, бірақ дәл сол үшін ол ұмытылмас әсер қалдырады.
