Атырау облысы әкімінің бұрынғы орынбасары Бақытгүл Хаменова ісі сотқа жетті. Экс-президент Нұрсұлтан Назарбаевқа «Елбасыдай ерен тұлға тұрғанда, мен елімнің ертеңіне сенемін» деп келетін өлеңінен кейін қызметі жылдам өскен шенеунік кейін Абайдың 175 жылдығына орай ақын ескерткішін салатын қаржыны жеп қойған деген күдікке ілінген.
26 мамырда Атырау қаласының №2 сотына Атырау облысы әкімінің орынбасары Бақытгүл Хаменова мен Атырау облысының мәдениет, тілдерді дамыту және мұрағат ісі басқармасының басшысы Ақылбек Рысқалиевке қатысты қылмыстық іс келіп түскен. Облыстық соттың баспасөз қызметінің осындай мәлімет таратып отыр.
Хаменова мен Рысқалиевқа ҚР Қылмыстық кодексінің 366-бабы 3-бөлігі 2-тармағы бойынша айып тағылды.
Еске салайық, Атырау облысы әкімінің орынбасары Бақытгүл Хаменова Абай ескерткішін орнатуға бөлінген қаржыны жымқырды деген күдікпен ұсталған болатын. Атырау облысының арнайы тергеу соты облыс әкімінің орынбасары Бақытгүл Хаменованы үйқамаққа алу туралы шешім шығарды.
