Жазушылар одағының астаналық филиалына жаңа басшы тағайындалды
Елордада 180-нен астам ақын-жазушы тұрады
Белгілі ақын Бауыржан Бабажанұлы Қазақстан Жазушылар одағы Астана қалалық филиалының төрағасы қызметіне тағайындалды,- деп хабарлайды Malim.kz.
Жаңа басшыны елордалық қаламгерлерге Жазушылар одағының басқарма төрағасы Мереке Құлкенов таныстырды.
2019 жылдан 2025 жылға дейін Қазақстан Жазушылар одағы Астана қалалық филиалының директоры қызметін ақын, ҚР еңбек сіңірген қайраткері Дәулеткерей Кәпұлы басқарды.
Одақ төрағасы осы жиында астаналық жазушылар Мәди Айымбетов, Асқар Алтай және Әділбек Ыбырайымды "Қазақстанның құрметті жазушысы" медалімен марапаттады.
Айта кетейік, бүгінде Жазушылар одағының 1030 мүшесі бар. Оның 180-нен астамы Астанада тұрады.
Фото: Ашық дереккөз
