Дүниежүзілік денсаулық сақтау ұйымының (ДДСҰ) бас директоры Тедрос Аданом Гебрейесус әлемде жаңа пандемия ертең басталуы мүмкін екенін мәлімдеді, деп хабарлайды Malim.kz.
Оның сөздері ДДСҰ-ның ресми сайтында жарияланды.
“COVID-19 пандемиясы қазір алыстағы естелікке айналғандай, оның орнын қақтығыстар, геосаяси және экономикалық күйзелістер басты. Бірақ келесі пандемия бәрі тұрақтанғанша күтіп тұрмайды”, – деді Гебрейесус.
Ол сондай-ақ келесі пандемия 20 жылдан кейін де, ертең де басталуы мүмкін екенін атап өтті.
Сондықтан барлығы оған дайын болуы керек. Бас директор елдерді ДДСҰ-ның пандемия жөніндегі келісіміне белсенді қатысуға шақырды.
Фото: pixabay
