Дональд Трамптың созылмалы ауруға шалдыққаны анықталды
АҚШ Президенті Дональд Трампқа созылмалы тамырдағы жеткіліксіздік диагнозы қойылғанын Ақ үйдің баспасөз хатшысы мәлімдеді, деп хабарлайды Malim.kz.
АҚШ Президенті Дональд Трампқа созылмалы тамырдағы жеткіліксіздік диагнозы қойылды – бұл төменгі аяқтарда қанның кері ағымы бұзылатын жағдай. Бұл туралы 17 шілде, бейсенбі күні Ақ үйдің баспасөз хатшысы Кэролайн Ливитт дәрігерлердің қорытындысын оқып отырып мәлімдеді.
Бұл хабарлама бірқатар БАҚ-та Трамптың аяқтарының ісінуі мен қолындағы көгеру белгілері жайлы ақпараттар жарияланғаннан кейін айтылды.
Ливиттің айтуынша, жасалған талдаулар мен ультрадыбыстық зерттеу 79 жастағы саясаткерде терең тамырдағы тромбоз, артериялық аурулар, жүрек жеткіліксіздігі немесе бүйрек қызметінің бұзылуы жоқ екенін көрсеткен.
Баспасөз хатшысы Трамптың қолындағы көгеру жиі қол алысу мен жүрек-қантамыр ауруларының алдын алу мақсатында қабылданатын аспиринмен байланысты болуы мүмкін екенін айтты.
Фото: Nathan Howard/REUTERS
Ең көп оқылған
