Бұрынғы премьер-министр бір жылға бас бостандығынан айырылды
Таиланд соты бұрынғы премьер-министр Таксин Чинаватты ауруханада жазасын өтеу заңсыз деген шешім шығарып, оған бір жыл бас бостандығынан айыру жазасын берді.
The Nation басылымының хабарлауынша, 9 қыркүйекте Саяси лауазымды тұлғалар істері бойынша Жоғарғы соттың Қылмыстық палатаcы бұрынғы премьер-министр Таксин Чинават қатысқан «Полицейлік госпитальдың 14-қабаты» деп аталатын істі қарай отырып үкім шығарды.
Іс оның түпкілікті үкімі мен қамаудағы кезінде медициналық көмек алу құқығын орындауға қатысты болды.
Таксин Чинават 2001-2006 жылдар аралығында Таиландтың премьер-министрі болған және әскери төңкеріс нәтижесінде биліктен кеткен. Бірнеше жыл шетелде тұрған Таксин Чинават 2023 жылы отанына оралды, ол жерде сыбайлас жемқорлық пен билікті асыра пайдаланғаны үшін сегіз жылға сотталды. Алайда бұл мерзім бір жылға дейін қысқартылды. Бірақ саясаткер бір күн ғана түрмеде отырды, өйткені ол жүрек ақауына байланысты бірден полицияның жалпы ауруханасына жатқызылды, онда ол шартты түрде мерзімінен бұрын босатылғанға дейін жатты, ал алты айдан кейін оған рақымшылық беріліп, үйіне оралды.
Сот отырысы барысында дәрігерлердің оның денсаулығына қатысты жалған ақпарат бергені анықталды.
Осыған байланысты Жоғарғы Соттың Қылмыстық істер жөніндегі бөлімі 76 жастағы саясаткер Таксин Чинаватқа полицияның жалпы ауруханасында ем қабылдаған 120 күнін есептемей, түрмеге қайта оралып, бір жыл жазасын өтеуі керек деп шешті.
Сот оның денсаулық жағдайына қатысты дәлелдерді қабылдамады және Таксинді түзету мекемесінің ауруханасына ауыстыру — бұл аурухананың өз бетімен қабылдаған шешімі екенін, ал оның кейіннен Бас полицейлік госпитальдың 14-қабатына ауыстырылуы алдын ала жоспарланған әрекет болғанын анықтады.
Айта кетейік, 1 шілдеде Таксин Чинаваттың қызы Пхетхонгтхан Чинават қызметінен уақытша шеттетілді. Бұл талап үкімет пен Камбоджа арасындағы шекара мәселесіне қатысты жасырын телефон әңгімесінің жария болып кетуімен байланысты туындаған.
Фото: Павлодар облыстық соты
Ең көп оқылған
