Германияның келесі канцлері болуы мүмкін Христиан-демократиялық одағының (ХДС) төрағасы Фридрих Мерц Ресей агрессиясынан қорғанып жатқан Украинаға Германия-Швеция өндірісіндегі алысқа ұшатын TAURUS қанатты зымырандарын жеткізуді қолдайтынын мәлімдеді, деп хабарлайды Malim.kz.
Алайда бұл қолдау Германияның еуропалық әріптестерімен келісе отырып қана жүзеге асуы керек екенін атап өтті.
«Мен бұл қадамға барар едім, бірақ тек еуропалық әріптестерімізбен келісілген жағдайда ғана», – деді Мерц ARD телеарнасындағы Caren Miosga бағдарламасында 13 сәуір, жексенбі күні кешке берген сұхбатында.
Оның айтуынша, Ұлыбритания, Франция және АҚШ секілді елдер Украинаға қанатты зымырандар жеткізуді әлдеқашан бастап кеткен.
«Егер жеткізу келісілген болса, Германия бұл процеске қатысуы керек», – деді ол.
Мерцтің пікірінше, украин армиясы тек қорғанумен шектелмей, енді бастама көтере алатындай мүмкіндікке ие болуы тиіс.
«Үш жылдан бері Украина Қарулы күштері тек қарсы әрекет жасап келеді. Енді олар болып жатқан оқиғаларға өз ықпалын тигізетін уақыт келді», – деді саясаткер.
Ол зымырандарды қолданудың ықтимал бағыты ретінде Ресей мен аннексияланған Қырым арасындағы маңызды жер үсті байланыстарын жоюды атады, өйткені бұл бағыттар Ресей әскері үшін логистикалық тұрғыдан аса маңызды.
Фото: Daniil Sotnikov/DW
Байланысты жаналықтар
MalimBlocks
Бәрі сотталады: шетелдегі соғыстарға қанша қазақстандық қатысқан?
1 сәуірде желіде Украинаға қарсы соғысқа қатысқан 660-тан аса қазақстандықтың аты-жөні бар тізім пайда болды. ҚР ІІМ бұл ақпарат расталмағанын айтып, тексеруді талап ететінін мәлімдеді. Tengrinews.kz редакциясы бұл мәселе бойынша ашық деректерді зерттеген
