Инаугурацияға 10 күн қалғанда Трампқа үкім шығатын болды
Мамыр айында қазылар алқасы бірауыздан Трампты өзіне тағылған айыптың 34 бабы бойынша кінәлі деп тапты
АҚШ президенті болып таңдалған Дональд Трампты ұлықтау салтанатына он күн қалғанда бұрын жасаған қылмысы үшін үкім шығарылытаны белгілі болды. Бұл туралы BBC жазды.
Порно жұлдыз Сторми Дэниэлске ауызбастырық ретінде ақша төлегенін жасырып, жазбаларды бұрмалағаны үшін Дональд Трамптың сот процесіне төрағалық етіп жатқан Йорк Хуан Мерчан АҚШ-тың сайланған президентін ұлықтау рәсіміне 10 күн қалғанда, яғни 10 қаңтарда үкім шығаратыны туралы шешім қабылдады.
Судья Трампты нақты түрме жазасына кесуге ниетті емес екенін ескертіп, сотталушыға сот үкімі бойынша жеке өзі де, бейнебайланыс арқылы да қатысуға рұқсат берді. Сондай-ақ, судьяның ұйғарымынан оның айыппұл немесе пробациялық бақылау сияқты жеңілдетілген жазаларды тағайындауға да ниеті жоқ екенін айтты.
Мамыр айында қазылар алқасы бірауыздан Трампты өзіне тағылған айыптың 34 бабы бойынша кінәлі деп тапты. Алайда, ол өз кінәсін мойындаған жоқ. Судья бұрынғы және болашақ президентті жазалайтын үкімді жариялау бірнеше рет кейінге қалдырылып, қараша айында өткен президенттік сайлауда Трамп жеңіске жеткеннен кейін оның адвокаттары президенттің иммунитетіне байланысты істі тоқтатуды ұсынды.
Қазіргі уақытта бұл Трампқа қатысты үкім шығарған жалғыз қылмыстық іс болмақ, дегенмен саясаткер Нью-Йорк штатының соттарына шағымдана алады. Трампқа қарсы екі федералды іс ол сайланғаннан кейін тоқтатылды, өйткені Әділет министрлігі президентті қудалау конституцияға қайшы деп мәлімдеді. Джорджиядағы сот процесі прокурор Фани Уиллистің сайлау құқығынан айыруына байланысты бірнеше ай бойы тоқтап қалды.
Өткен жылдың сәуір айында Нью-Йоркте Дональд Трампқа қатысты аталған сот басталған болатын.
Фото: asiaplustj.info
