Иран президенті Ибрахим Раиси тікұшақ апатынан қаза болды
Апат салдарынан Иран мемлекет басшысымен бірге болған Сыртқы істер министрі Хосейн Амир Абдоллахиан да көз жұмған.
Иран президенті Ибрахим Раиси тікұшақ апатынан қаза тапты, деп хабарлайды Mehr агенттігі.
Агенттіктің хабарлауынша, апат салдарынан Иран мемлекет басшысымен бірге болған Сыртқы істер министрі Хосейн Амир Абдоллахиан да қайтыс болған.
Ибрахим Раиси 1960 жылы 14 желтоқсанда Иранның Мешхед қаласында туған.
2014-2016 жылдары Иранның бас прокуроры болды.
2017 жылы Раиси Ирандағы президент сайлауына қатысты. Алайда ол тек 38% дауыс жинап, жеңіліп қалды. Сол жылы екінші рет саяси додаға қатысқан Хасан Роухани президент атанды.
2021 жылы Ибрахим Раиси Ирандағы президент сайлауында тәуелсіз үміткер ретінде өз кандидатурасын қайта ұсынып, жеңіске жетті.
Раиси үйленген. Оның жұбайы Джамиля Аламольхода - тегерандық Шахид Бехешти атындағы университеттің доценті. Ерлі-зайыптылардың екі қызы бар.
Бұған дейін 24.kz Иран президенті мінген тікұшақ жоғалып кеткенін хабарлаған болатын. Саясаткерлер көршілес Әзербайжанда су бөгетін ашу салтанатына қатысып, елге қайтып келе жатқан.
Фото: AP
Байланысты жаналықтар
MalimBlocks
Зауыттағы апат: Ерлан Нығматулин өндіріс нысанын қандай ақшаға салды?
Өткен аптаның соңында Қарағанды YDD Corporation ферроқорытпа зауытында қайғылы жағдай орын алды. Өндіріс орнындағы №1 пеш өртеніп, сегіз жұмысшы зардап шеккен. Өкінішке қарай, 25-шілде күні алған жарақаты салдарынан екі адам қайтыс болды.
