Израиль қорғаныс министрі «Хезболланың» жаңа басшысына сес көрсетті
Наим Касем «Хезболла» қозғалысының бас хатшысы болып тағайындалған еді
Израиль қорғаныс министрі Йоав Галант 29 қазанда әлеуметтік желіде «Хезболла» қозғалысының жаңа жетекшісі Наим Касемге сес көрсетіп, жазба жариялады.
- Бұл уақытша тағайындау. Ұзаққа бармайды, - деп жазды ол.
Айта кетсек, кеше Наим Касем «Хезболла» қозғалысының бас хатшысы болып тағайындалған еді.
Бұған дейін қазан айының басында қозғалыс жетекшісінің орнына лайықты үміткер деп танылған Хашем Сафиеддин Израиль қорғаныс армиясының (ЦАХАЛ) шабуылы кезінде қаза тапқан болатын.
Фото: Global Look Press/JINI
