Лос-Анджелестегі өртте кемі 10 адам қаза тауып, 10 000-дай ғимараттың күлі қалған

Лос-Анджелестегі өрт салдарынан кем дегенде 10 адам қаза тапқан. CNN жазуынша, жергілікті билік өрт болған аймақтарға қауіпсіз кіру мүмкіндігі болмағандықтан нақты қаза болғандар саны туралы ақпараттың әлі анықталмайтынын ескерткен, деп хабарлайды Malim.kz.

Бүтін аудандар жойылып, Палисейдс жағалауы өртінен 10 000-ға жуық ғимарат күлге айналған. Ластанған ауа өрттен алыс жерде тұратындар үшін де қауіп төндіріп отыр.

Сол төңіректегі 180 мыңға жуық адам эвакуациялау туралы бұйрық, тағы 200 мың адам эвакуация туралы ескерту алған.

Лос-Анджелес полициясы өрт қойған болуы мүмкін адамды тұтқындағанын хабарлаған. Полицияның мәлімдеуінше, тұтқындалған адам бейсенбі күні сағат 16:32-де Вудленд-Хиллз ауданындағы Ибарра-роуд, 21700 мекенжайында ұсталған. Полиция әзірге күдіктінің Кеннеттегі өртке қатысы бар-жоғын растай алмайтынын айтқан.

Күдікті қазір тұтқында. Полиция тергеу жұмыстары жалғасып жатқанын хабарлаған.

Фото: Mark Viniello/Reuters