Мексикада судьялар президент саясатына қарсы шықты
Шерушілер Мехико сот ғимараты алдына жиналып, кіреберістерді шынжырлап тастады
Мексиканың федералды соттарының мыңдаған қызметкері мемлекет басшысының реформаларына наразылық білдіріп, көшеге шықты.
24 kz жазуынша, президент судьялардың қызметке тағайындалуын сайлау арқылы жүзеге асыруды талап еткен. Мұнымен келіспейтін шерушілер Мехико сот ғимараты алдына жиналып, кіреберістерді шынжырлап тастады. Президент райынан қайтпайынша шеруді тоқтатпайтындарын айтады. Айта кетейік, жаңа реформалар заңгерлік білімі мен бірнеше жылдық тәжірибесі бар кез келген мексикалыққа судья лауазымына сайлануына мүмкіндік береді.
«Мұндай жағдай саладағы еңбек жағдайы мен мансаптық ілгерілеуге үлкен қауіп төндіреді», - дейді наразылық акциясына қатысушылар. Бірақ Мексика президенті реформа елдегі сот жүйесін жетілдіреді деген пікірде.
Фото: life.ru
