Қазақстандық олигарх Владимир Жұманбаевқа Қырғызстанда іздеу жарияланды

Оның «Ағайындар ортасы» халықаралық қылмыстық тобының құрамына кірген «Заңдағы ұры» аталған Қ.Асанбектің ұйымдасқан қылмыстық тобының қызметін қаржыландыру фактілері анықталған.

Malim Админ

  • 05.06.2024

Қырғызстанның Ұлттық қауіпсіздік мемлекеттік комитеті қазақстандық кәсіпкер, «Вертекс Голд» компаниясының иесі Владимир Жұманбаевқа Қ.Асанбектің (Қамшы Көлбаев) ұйымдасқан қылмыстық тобын қаржыландырғаны үшін іздеу жариялады, деп хабарлайды Malim.kz.

ҰҚМК мәліметінше, тергеу амалдары аясында қылмыстық жолмен алынған кірістерді заңдастыру (жылыстату) фактісі бойынша тіркелген сотқа дейінгі іс жүргізу материалдарында Қазақстанның ірі бизнесмендерінің бірі Владимир Жұманбаевтың «Ағайындар ортасы» халықаралық қылмыстық тобының құрамына кірген «Заңдағы ұры» аталған Қ.Асанбектің ұйымдасқан қылмыстық тобының қызметін қаржыландыру фактілері анықталған.

Аталған тұлға Қ.Асанбектің қылмыстық қоғамдастықтың құрамындағы кәсіпкерлерден рэкет, бопсалау түріндегі заңсыз әрекеттерден жүйелі түрде қаражат алуы, сондай-ақ ауыр қылмыстар үшін бірнеше рет сотталғаны, сондай-ақ оның «адам өлтіру», «адам ұрлау» және «қылмыстық қоғамдастық (қылмыстық ұйым) ұйымдастыру» баптарымен аса ауыр қылмыстар бойынша талай рет сотталғанын біле тұра, Қырғыз Республикасының аумағында бірлескен бизнес жобаларды жүзеге асыру үшін қолдау және қамқорлық алу мақсатында Қ.Асанбекпен байланыс орнатқан, - делінген хабарламада.

«В.Г.К.» ЖШС-нің Қырғыз Республикасы аумағындағы алтын өндірумен, кендер мен бағалы металдарды байытумен айналысатын иесі бола отырып, В.Жұманбаев алтын өндіруші компанияның жауапты қызметкерлері арқылы Қ.Асанбекке 2021-2023 жылдар аралығында ай сайын 1 млн сом жіберіп отырған.

Іздеудегі азамат Қ.Асанбекпен Ыстықкөл облысында орналасқан «Барс» демалыс базасының аумағында кездесіп, демалған. Бұл жерге ол жеке ұшақпен келгені атап өтілген.

Сотқа дейінгі іс жүргізуді тергеп-тексеру аясында «В.Г.К» ЖШС қызметі кірістерінің нақты көрсеткіштерін жасыру мақсатында Қырғыз Республикасының мемлекеттік органдарына алтын кенін өндіру туралы жалған мәліметтер беру фактілері анықталған.

Бішкек қаласының Октябрь аудандық сотының қаулысымен В.Жұманбаевқа қатысты сырттай қамауға алу түріндегі бұлтартпау шарасы таңдалды.

Аталған тұлғаға қылмыстық қудалау үшін мемлекетаралық іздеу жарияланды.

Фото: ҰҚМК

Байланысты жаналықтар

Енді мемлекеттік бюджеттен шетелдік спортшыларға қаржы бөлінбейді

27.03.2025

Танымал саясаттанушы Екатерина Шульманға іздеу жарияланды

26.03.2025

Қазақстан 3 минутта екі гол соғып жеңіске жетті

26.03.2025

Ақтауда із-түзсіз жоғалған ер адам 8 күннен бері іздестіріліп жатыр

24.03.2025

Әлем чемпионаты - 2026. Іріктеу турнирінде Қазақстан Уэльстен ұтылды

23.03.2025

Қазақстан ең бақытты елдер арасында нешінші орында?

20.03.2025
MalimBlocks
Енді мемлекеттік бюджеттен шетелдік спортшыларға қаржы бөлінбейді

Сенат бюджетті тиімді пайдалану үшін спорт туралы заңға түзетулер енгізді

Танымал саясаттанушы Екатерина Шульманға іздеу жарияланды

Ресей Ішкі істер министрлігі ресейлік саясаттанушы, қазақстандық MNU университетінің оқытушысы Екатерина Шульманға іздеу жариялады

Қазақстан 3 минутта екі гол соғып жеңіске жетті

Ақтауда із-түзсіз жоғалған ер адам 8 күннен бері іздестіріліп жатыр

Ақтауда із-түзсіз жоғалған ер адам 8 күннен бері іздестіріліп жатыр. Ерлан Есмагамбетов Кендерлі демалыс базасы маңында жоғалып кеткен. Ер адамды іздеуге Lider.kz іздестіру-құтқару қозғалысының еріктілері қосылды,

Әлем чемпионаты - 2026. Іріктеу турнирінде Қазақстан Уэльстен ұтылды

Бұл әлемдік футбол додасына іріктеу бойынша алғашқы матч

Қазақстан ең бақытты елдер арасында нешінші орында?

Қазақстан 20 наурызда жарияланған Әлемдік бақыт баяндамасы (World Happiness Report) рейтингінде 43-орынға жайғасты