Киев облысында Ресейдің дрон шабуылы салдарынан бір адам қаза тауып, үшеуі жарақат алды, - деп хабарлайды Malim.kz тілшісі DW-ге сілтеме жасап.
18 мамырға қараған түні Ресей Қарулы күштері Украинаға дрон шабуылын жасады. Украина Қарулы күштерінің Әуе күштерінің мәліметінше, барлығы 273 дрон қолданылған — соның ішінде Shahed соққы дрондары (88-і атып түсірілген) және дрон-имитаторлар (128-і жойылған). Бұл — соғыс басталғалы бері бір тәулікте жіберілген ең көп дрон саны.
Қаза тапқандар мен жараланғандар
Киев облысының Обухов ауданында шабуыл салдарынан 28 жастағы әйел қаза тапты. Тағы үш адам — 59 жастағы ер адам, 61 жастағы әйел және төрт жасар бала жарақат алып, ауруханаға жеткізілді. Олардың жағдайы – орташа ауыр.
Шабуыл салдарынан бір жеке тұрғын үй жартылай қирады, ал көпқабатты тұрғын үйдің терезелері сынған.
Фастов ауданында орналасқан комбикорм зауытының аумағында өрт шықты.
Киев облыстық әскери әкімшілігінің басшысы Николай Калашниктің айтуынша, әуе дабылы сол кезде әлі жалғасып жатқан, ал әуе кеңістігінде дрондар байқалып, әуе шабуылына қарсы күштер белсенді әрекет еткен.
Фото: DW
