Украинаға 909 қаза тапқан әскери қызметшінің денесі қайтарылды. Бұл туралы жұма, 28 наурыз күні украиналық әскери тұтқындармен жұмыс жөніндегі үйлестіру орталығы хабарлады. Кейінірек Ресей тарапы да қаза тапқандардың денелерін алмастыруды растады.
Қаза тапқан сарбаздар Курахов, Покровск, Бахмут, Угледар, Луганск және Запорожье бағыттарында соғысқан.
РФ Мемлекеттік Думасының депутаты, "СВО" мәселелері жөніндегі парламенттік үйлестіру тобының өкілі Шамсаил Саралиев РБК басылымына Ресейге 43 қаза тапқан адамның денесі қайтарылғанын мәлімдеді. ВГТРК әскери тілшісі Андрей Руденконың айтуынша, олардың тек 35-і – ресейлік әскери қызметшілер, ал қалған сегізі – Курск облысының тұрғындары.
Бұған дейін Ресей мен Украина 14 ақпанда қаза тапқандардың денелерін алмастырған болатын. Ол кезде Ресейге 45 әскери қызметшінің денесі қайтарылып, Украинаға 757 жауынгердің мәйіті табысталған.
Ресей мен Украина Ресейдің басқыншылық соғысы басталғаннан бері қаза тапқан әскерилердің денелерін тұрақты түрде алмастырып келеді. Бұл процесте делдалдық рөлді Халықаралық Қызыл Крест Комитеті атқарады.
Фото: Michael Sorrow/Anadolu/picture alliance
