Екі елдің делегациялары Сауд Арабиясының Джидда қаласында кездесу өткізді, деп хабарлайды Malim.kz.
Украин тарапынан келіссөздерге Президент кеңсесінің басшысы Андрей Ермак, Сыртқы істер министрі Андрей Сибига және Қорғаныс министрі Рүстем Умеров қатысты. АҚШ атынан Мемлекеттік хатшы Марко Рубио мен Ұлттық қауіпсіздік жөніндегі президент кеңесшісі Майкл Уолтц қатысты.
Келіссөздер жабық есік жағдайында өтті, ақпарат аз, бірақ тараптар жақсы жағымды бар екенін де жасырмады.
Украина Президент кеңсесінің басшысы Андрей Ермак:
“АҚШ командасымен кездесу өте конструктивті басталды, біз әділ және тұрақты бейбітшілікке қол жеткізу үшін жұмыс істеп жатырмыз”, – деді.
Келіссөздер басталар алдында Ермак британдық The Guardian басылымына сұхбат беріп, “украин халқы жақын арада бейбіт өмірге оралады” деп мәлімдеді. Ол сонымен қатар бейбітшілікке қол жеткізу шарттарын атап өтті:
“Украинадағы соғысты тек дипломатиялық қадамдармен тоқтату мүмкін емес. Бейбітшіліктің тұрақтылығын қамтамасыз ету үшін белгілі бір шарттар алдын ала орындалуы керек. Олардың ішінде Ресейге саяси және қаржылық қысым көрсету арқылы қақтығысты қайта жандандыру құнын арттыру шаралары бар”.
Америкалық делегация қысқа ғана пікір білдірді. CNN журналистерінің “кездесу қалай өтті?” деген сұрағына Майкл Уолтц:
“Мақсатымызға жақындап келеміз” (getting there), – деп жауап берді.
Фото: Saul Loeb/AP/picture alliance
