Украина мен АҚШ жақын күндері жер қойнауына қатысты стратегиялық келісімге қол қоюы мүмкін. Бұл туралы Украина премьер-министрі Денис Шмыгаль мәлімдеді.
Оның айтуынша, келісімнің негізгі тармақтары келісілген, енді тек техникалық құжаттар дайындалуда.
Келісім аясында инвестициялық қор құрылып, оны қаржыландыру тәртібі реттеледі.
АҚШ тарапынан көрсетілетін әскери көмек қор жарнасы ретінде есептелуі мүмкін.
Қор алдағы 10 жыл бойы Украина экономикасының дамуына инвестиция құяды.
Шарт бойынша:
• Украина барлық табиғи ресурстар мен инфрақұрылымға бақылауды өз қолында сақтайды;
• Екі тарап үшін кедендік баж салығы (нөлдік мөлшерлеме) алынып тасталады;
• АҚШ басқа халықаралық серіктестерді тартуға міндеттеледі.
Бұл келісім «тең құқықты серіктестік» форматында іске асады деп күтілуде.
