Украина мен оның одақтастары 12 мамырдан бастап кемінде 30 күнге құрлықта, әуеде және теңізде толық әрі сөзсіз атысты тоқтатуға дайын екенін мәлімдеді. Бұл туралы 10 мамыр, сенбі күні Киевте өткен “Қолдаушы елдер коалициясы” отырысының қорытындысы бойынша Украинаның сыртқы істер министрі Андрей Сибига хабарлады.
“Егер Ресей келісіп, тиімді бақылау қамтамасыз етілсе, ұзақ мерзімді атысты тоқтату және сенімді арттыру шаралары бейбіт келіссөздерге жол ашуы мүмкін”, – деді ол.
Кездесуге Германия канцлері Фридрих Мерц, Франция президенті Эммануэль Макрон, сондай-ақ Ұлыбритания премьер-министрі Кир Стармер мен Польша үкімет басшысы Дональд Туск қатысты.
Украина сыртқы істер министрінің айтуынша, келіссөздерге қатысушылар АҚШ президенті Дональд Трамппен де бейбіт бастамалар жайлы телефон арқылы сөйлескен.
Фото: Ludovic Marin/Pool Photo/AP/picture alliance
