Алматыда төрт қабатты әкімшілік ғимараттың шатыры өртеніп жатыр. Бұл туралы Stan.kz сайтына сілтеме жасап Malim.kz хабарлайды.
Төтенше жағдайлар министрлігінің мәліметінше, өрт сөндірушілері қазір жалынды сөндіріп жатыр.
”Қазір Алматы өрт сөндірушілері Медеу ауданы, Самал шағын ауданындағы төрт қабатты әкімшілік ғимараттың шатырындағы өртті сөндіріп жатыр. Өрт сөндірушілер келген кезде бос тұрған ғимараттың шатырынан түтін шыққаны анықталды”, – делінген хабарламада.
Оқиға орнында өрт сөндіру штабы құрылды.
“Өртті сөндіру үшін су үздіксіз жеткізіліп жатыр. Өртті сөндіру үшін бірнеше су беру желісі тартылды. Өртті оқшаулау шаралары қабылданып жатыр”, – делінген хабарламада.
