Қазақстан билігі Совет кезінде саяси қуғын-сүргінге ұшырағандарды толық ақтау бойынша жұмыстарды қолға алды. Мысалы, жақында Атырау облысында әлі күнге дейін ақталмаған репрессия құрбандарының есімдерін анықтау үшін бюджеттен 25 миллион теңге бөлінді.
Атырауда жобалық кеңсе ашылмақ. Оның қызметкерлері бұрын тыйым салынған немесе әлі күнге дейін белгісіз, ұмытылған деректерді, фактілерді жинаумен, қуғын-сүргіннің түрлері мен тетіктерін белгілеумен, сондай-ақ әлі күнге дейін ақталмаған репрессия құрбандарының санын, есімдерін анықтаумен айналысады.
Саяси қуғын-сүргінге ұшыраған азаматтардың жаппай жерленген орындары айқындалып, картасы жасалады.
Сонымен қоса, кеңсе қызметкерлері Атырау өңірінде Кеңес билігін күштеп орнатуға; таптық, діни, әлеуметтік белгілері бойынша қудалауға; мешіттер мен шіркеулерді жоюға; большевиктер диктатурасына қарсы өткен саяси халық наразылықтарының санын анықтау керек.
Ал Қарағанды облысында Советтік қуғынға ұшырағандарды ақтау бойынша жұмыстарды ұйымдастыруға 4,4 миллион теңге, Қостанай облысында – 4,9 миллион, Нұр-Сұлтанда – 8,9 миллион теңге бөлінді.
Айта кетейік, Қасым-Жомарт Тоқаев Саяси қуғын-сүргін және ашаршылық құрбандарын еске алу күніне байланысты үндеуінде Мемлекеттік комиссия «солақай саясаттан жапа шеккен қазақстандықтарға қатысты тарихи әділдікті қалпына келтіруге тиіс» деген болатын.
Аделаида Ауеспекова
Байланысты жаналықтар
MalimBlocks
