АҚШ-та қаза тапқан Қазақстан азаматы Әсет Құралбайдың мәйіті елге жеткізілді. Бұл туралы ҚР Сыртқы істер министрлігінің ресми өкілі мәлімдеді, деп хабарлайды Malim.kz.
Ведомствоның мәліметінше, Қазақстанның Нью-Йорктегі Бас консулдығы марқұмның туыстарына қажетті консулдық-құқықтық қолдау көрсетіп, мәйітті елге қайтару жұмыстарын ұйымдастырған.
Еске салайық, 24 жастағы Әсет Құралбай АҚШ-тағы Чикаго маңында тұрған. Ол соңғы рет 2 маусымда жақындарымен байланысқа шыққан.
Кейін хабар-ошарсыз кеткен жігіттің мәйіті 15 маусымда табылып, 16 маусымда АҚШ-тың құзырлы органдары оның жеке басын ресми түрде растаған болатын. Қазір оның өліміне қатысты мән-жайды америкалық құқық қорғау органдары анықтап жатыр.
