Мәжіліс заңнамаға дарынды балаларды қолдау саясатын жетілдіріп, мемлекеттік тілдің қолданысын біріздендіруді көздейтін заң жобасын қабылдады.
Заң жобасын әзірлеген жұмыс тобының жетекшісі, Мәжілістегі Әлеуметтік-мәдени даму комитетінің төрағасы Асхат Аймағамбетов аталған заңда мемлекеттік тілдің цифрлық ұлттық сөздік қорын жасау туралы арнайы норма болатынын айтты. Бұл норма мемлекеттік тілді жасанды интеллекттің күшімен дамытуды көздейді.
Сондай-ақ, құжатта беделді халықаралық пән олимпиадалары мен ғылыми сайыстарда жеңімпаз атанған жастарды «Болашақ» бағдарламасының аясын кеңейту арқылы қолдайтын норма бар.
- Біз «Болашақ» бағдарламасының аясын кеңейтуді ұсынып жатырмыз. Қазір «Болашақ» бағдарламасы бойынша тек магистратура және докторантура деңгейінде ғана білім алуға болады. Біз соған бакалавриатты да қосып отырмыз. Бірақ ол бәріне емес, тек дарынды, яғни арнайы тізімге кірген, таңылған, беделді деген халықаралық олимпиадада немесе ғылыми сайыста жеңімпаз атанған талапкер, өз бағыты бойынша әрі қарай білім аламын десе, оған «Болашақ» бағдарламасы» аясында шетелде мемлекет есебінен жоғары білім алуға мүмкіндік беріледі. Ол балалар «Болашақ» арқылы бакалавр дәрежесінде білім алғаннан кейін кемінде 3 жыл бойы Қазақстанда жұмыс істеуге міндеттеледі, - дейді Асхат Аймағамбетов.
Фото: freepik.com
Байланысты жаналықтар
MalimBlocks
