Мектеп жасына дейінгі балалардың ата-анасына арналған қосымша іске қосылады
Ата-аналарға денсаулық, тамақтану, тәрбие беру бойынша ақпарат ұсынылады
Ата-аналарға көмек көрсету үшін «Беске дейін үлгер» мобильдік қосымшасы іске қосылады. Ол балаларды ерте жастан күту және дамыту бойынша консультациялық жәрдем беруге арналған. Бұл туралы Оқу-ағарту министрлігінің баспасөз қызметі мәлімдеді.
Мобильді қосымша үйде бала тәрбиелеп отырған ата-аналарға денсаулық, тамақтану, тәрбие беру мен дамыту бойынша ақпарат ұсынады. Қосымшаның мазмұны әлемдік институттардың нейробиологиялық зерттеулерінің ғылыми деректері негізінде әзірленген. Сонымен қатар, төл мәдени-тарихи құндылықтарымыз ескерілген.
«Қазіргі уақытта қосымша Қарағанды, Шығыс Қазақстан, Қызылорда және Ақтөбе облыстарының мектепке дейінгі ұйымдарымен бірлесіп пилоттық режимде сынақтан өтіп жатыр. Оны толық масштабтау қараша айында жүзеге асырылады. Сондай-ақ оның мазмұны сабақтарға арналған идеялар мен практикалық кеңестер ұсыныла отырып, консультациялық орталықтарда пайдаланылатын болады», - деп атап өтті Мектепке дейінгі білім беру департаментінің директоры Манар Адамова.
Айта кету қажет, мобильді қосымша мектепке дейінгі ұйымдардың консультациялық пункттерінде қолжетімді болады. Ата-аналар мектеп жасына дейінгі балаларды тәрбиелеу және дамыту мәселелері бойынша тәулік бойы әдістемелік және психологиялық көмек ала алады.
Фото: z-taraz.kz
MalimBlocks
«Елім саған айтам, Елбасы сен де тыңда!» - 10-шы хат
Қызық жағдай кинoда бoлып жатыр. Бұрын «талантты, маман кинo рeжиссeрлeрi жeтпeйдi» дeп қиналатынбыз. Eндi eлугe жуық рeжиссeр бар, ал қoятынымыз – жылына бiр фильм. Бiр кeздeгi eң таңдаулы кинo қалашығы қаңырап тұр. Oл да шeтeлдiктeргe жалға iстeп жатыр.
