Әлеуметтік желіде башқұрттың Ay Yola тобының Homay әні тарап жатыр. Бұл ән бір күнде хитке айналып, қазақстандықтардың көңілінен шықты, - деп хабарлайды Malim.kz тілшісі.
Homay әнінің атауы мифтік Хомай құсымен байланысты. Ол – ежелгі башқұрт эпосы "Урал-Батыр" шығармасындағы әйел-құс кейпіндегі мифологиялық тіршілік иесі.
Топ мүшелері қазақстандықтардың ықыласына ерекше тәнті болып, әлеуметтік желіде тыңдармандарына алғысын білдірді.
"Қазақстан, қолдауларыңызға рақмет. Арнайы сіздер үшін осы видеоны жасадық", – деп жазды музыканттар. Бұған қоса, олар видеоға әннің қазақ тіліне аударылған мәтінін қосқан.
"Тамырым сұрайды,
Жаным мен қаным сұрайды,
Ежелгі тарихи жадым сұрайды,
Хумай деген кім өзі?
Анасы – Күн нұры,
Тіршілік суына шомылдырған.
Әкесі – Самрау,
Оны мейірімге баулыған."
Самрау – башқұрт мифологиясында жоғарғы әлемнің патшасы, киелі құс.
Фото: Видеодан алынған кадр
