Imanbek-тің АҚШ-тағы концертіне 100 мың тыңдарман жиналды

Imanbek лақапатымен танымал қазақстандық диджей және продюсер Иманбек Зейкенов АҚШ-та өнер көрсетіп жүр. Бұл турды әлемдегі ең ірі дыбыс жазу компанияларының бірі ұйымдастырған, - деп хабарлайды Malim.kz тілшісі El.kz ақпарат агенттігіне сілтеме жасап. 

Өнер иесінің алдағы концерт Денвер қаласында өтеді. Музыканттың әлемдік турын ұйымдастырып отырған лейбл оның жетістігі кездейсоқ емес екенін атап өтті – Иманбек өзін EDM-индустриясының негізгі артистерінің бірі ретінде дәлелдей алды.

Қазақстандық музыканттың мансабындағы серпіліс 2019 жылы болды. Америкалық рэпер SAINt JHN-ның Roses трегіне жасаған ремиксі жаһандық чарттарда алға шығып, Billboard Hot 100 рейтингінің үздік бестігіне енді. Ол тіпті төртінші орынға дейін көтеріліп, Шығыс Еуропа музыканттары үшін тарихи жетістікке қол жеткізді. Кейін Иманбек «Үздік ремикстелген жазба» номинациясы бойынша Грэмми сыйлығын алған алғашқы қазақстандық атанды.

Бүгінде Иманбек – электрон музыкадағы ең танымал әртістердің бірі. Оның тректері 100 миллион тыңдалым жинап, әлемдік жұлдыздармен өнер көрсетеді. Әр жылдары ол Usher, Tory Lanez, Marshmello, Don Diablo, Afrojack, Martin Jansen, Zara Larsson, Trevor Daniel, Goodboys, Fetty Wap, сондай-ақ атышулы Roses Remix-тің латынша нұсқасын орындаған J Balvin сынды өнерпаздармен жұмыс істеді.

Әлемдік танымалдылығына қарамастан, музыкант өз отанына деген махаббатын ерекше атап өтеді. Концерттерінде Қазақстанның туын көтеріп шығады. Тағы бір қызық дерек – ол сахнаға бетперде тағпп шығып, өз бейнесіне деген қызығушылықты арттыра түседі.

Фото: instagram.com/imanbekmusic