"Желтоқсанның аяғы мен қаңтардың басы қауіпті"

Malim Админ

  • 07.12.2020

Қазақстанның репродуктивті медицина қауымдастығының президенті, профессор Вячеслав Локшин еліміздегі коронавирус пандемиясының таралуына қатысты ойымен бөлісті, деп хабарлады ҚазАқпарат.

«Соңғы бірнеше апта бойы ахуал біршама тұрақты болып тұр. Мұндай жайт қауіпсіздік шараларын сақтауды бақылауға алумен байланысты сияқты. Қазақстанның солтүстігінде ахуалдың айтарлықтай тұрақтанғанын байқап отырмыз. Дегенмен, желтоқсанның соңы мен қаңтардың басында коронавирустың өршуінен жалтара алмайтын сияқтымыз. Өйткені, тыйым шараларын бұзу көп кездесуі ықтимал. Яғни адамдар жаңажылдық мерекелерді атап өтуге тырысары анық», - деді Вячеслав Локшин. Оның айтуынша, қазіргі уақытта әлеуметтік арақашықтықты барынша сақтап, маска тағу, гигиеналық сақтық шараларын мүлтіксіз орындау маңызды міндет саналады.

«Өкінішке қарай, көпшілік мұны сақтай бермейді. Сол себепті халыққа үнемі жүгініп, қауіпсіздік шараларын сақтау маңыздығын түсіндіріп отырған жөн. Еуропада, Ресейде ахуалдың қалай болжап болмайтын жағдайда дамығанын, өршігенін көріп отырмыз. Міне, осыған байланысты ауру жұқтырудың өсімі қалай десек те қаңтардың басында немесе желтоқсанның соңында артуы мүмкін. Бірақ, бәрі тікелей өзімізге байланысты. Егер барынша қатаң шаралармен адамдардың өзара байланысын шектей алсақ, онда пандемия толқыны барынша жұмсақ өтері анық. Бұған қоса, маусым-шілде айларында аурудың ресми тіркелген көрсеткіштен 10 есе жоғары болуы есебінен ұжымдық иммунитет біртіндеп қалыптасып келе жатыр. Ол кезде адамдардың басым бөлігі аурып қалса да медициналық көмекке жүгінбеді, тіпті тексеруден де өтпеді. Үйлерінде ем алды», - деді сарапшы.

Сонымен қатар Қазақстанның репродуктивті медицина қауымдастығының президенті халықты жаппай вакцинациялауға қатысты пікірімен бөлісті. «Вакцинацияның біртіндеп басталуы өте жақсы. Бірақ, вакцинаға қатысты туындап отырған мәселе өте көп. Вакцина салынған кезеңде және оның әсері басталған уақытта адамдардың ауырып қалған жағдайлары болды. Демек, бұл проблеманы тез арада шешу емес. Әрине, вакцина жақсы. Бірақ, қандай вакцинаның барынша сапалы екендігін уақыт көрсетеді. Әзірше ресейлік вакцина бірнеше ондаған мың адамға ғана егілген. Алайда, бұл вакцинаның жақсы, тиімді екендігін толықтай түсінуге жеткіліксіз. Ресейде Чумков атындағы орталық үшінші вакцина дайындап жатыр. Pfizer өз вакцинасын Қазақстанда тіркеуге үмітті. Меніңше, 2021 жылдың жаз айларына қарай ахуал тұрақтанатын болады. Вакцинациялау ең алдымен дәрігерлерге, қарт адамдарға жүргізіледі. Ал бұл өте жылдам орындалатын жұмыс емес. Өйткені, сөз миллиардтаған адамның өмірі жайында болып отыр. Сондықтан арқаны кеңге салып, еркінсуге болмайды», - деді Вячеслав Локшин.

Байланысты жаналықтар

Вакцина пандемияны тоқтата ала ма?

01.02.2021

Жаңа мәлімет: Науқастардың жағдайы ауырлап барады

21.12.2020

Қытайдың сапасыз тауары тұрғанда медмаска бизнесі көгермейді

30.04.2021

Жириновский: Қазақстандағы орыстарға Ресей паспортын беруді тездету қажет

БҰҰ Ресейге қарсы резолюция қабылдады. Қазақстан қалыс қалды

03.03.2022

Сот Әсия Төлесоваға қатысты шешім шығарды

10.06.2020
MalimBlocks
Вакцина пандемияны тоқтата ала ма?

Жаңа мәлімет: Науқастардың жағдайы ауырлап барады

Қытайдың сапасыз тауары тұрғанда медмаска бизнесі көгермейді

Коронавирус індеті күнделікті өмірге қажетті дүниенің алдына медициналық масканы шығарды. Медмаскаға бұрын соңды болмаған сұраныс, бұрын соңды жасалмаған ұсыныс пайда болды. Нарықтағы осы сұранысқа тәуекел етіп, медмаска өндірісін қолға алған «Болашақ» ЖШС директорының орынбасары Индира Көпеновадан медмаска бизнесінің қыры мен сырын сұрадық.

Жириновский: Қазақстандағы орыстарға Ресей паспортын беруді тездету қажет

БҰҰ Ресейге қарсы резолюция қабылдады. Қазақстан қалыс қалды

БҰҰ Бас ассамблеясы Ресейдің Украинадағы басқыншылығын тоқтатып, әскерін шығаруды талап ететін резолюция қабылдады.

Сот Әсия Төлесоваға қатысты шешім шығарды