Пневмония – барлық жастағы адамдар зардап шегетін тыныс алу жолдарының ең қауіпті ауруларының бірі. Кардиология және ішкі аурулар ҒЗИ пульмонолог дәрігері Аида Жәділді айтты.
Айтуынша, егер уақытында диагноз қойылып, терапияны кешіктірмей бастаса пневмонияны емдеуге болады .
– Күзгі - қысқы кезеңде жедел респираторлық инфекциялардың, соның ішінде пневмонияның даму қаупі артады. Пневмония – өкпенің тыныс алу жолдарының ошақты зақымдануымен сипатталатын жедел инфекциялық ауру. Ауру негізінен жөтел, қақырық, әлсіздік, ентігу белгілерімен қатар дене қызуы жоғарылауынан басталады,– дейді дәрігер.
Пульмонолог, пациенттердің кейбірінде, әсіресе егде жастағы адамдарда пневмонияға тән шағымдар мен физикалық белгілер болмауы мүмкін, интоксикация синдромы басым болатынын жеткізді. Яғни пневмонияның А типті түрі дене қызуы көтерілмей, қан көрсеткіштерінде айтарлықтай өзгеріс болмай, интоксикация салдарынан бас ауруы, бұлшықет немесе тамақ ауырып, құрғақ жөтелмен қатар жүреді.
– Егер уақытылы диагноз қойып, терапияны кешіктірмей бастаса, пневмония емделеді. Пневмония адамның денсаулығы мен өміріне, әсіресе осал санаттағы адамдарға әсер етуі мүмкін. Алдын алу және уақытылы медициналық көмекке жүгіну асқынулардың алдын алуға және өлім-жітім деңгейін төмендетуге ықпал етеді, – Аида Жәділді.
ҚР Денсаулық сақтау министрлігінің мәліметіне сәйкес, 2024 жылдың басынан 9 ай ішінде Қазақстанда 76 мыңнан астам жағдай тіркелген.
Фото: freepik.com
Байланысты жаналықтар
MalimBlocks
