Ұшақ апатынан зардап шеккен 6 науқастың жағдайы айтылды
Төртеуі жансақтау, екеуі травматология бөлімінеж жатыр
Бүгінде Маңғыстау облыстық көпбейінді ауруханасында 6 науқас емін жалғастырып жатыр. Оның төртеуі жалпы жансақтау орталығында, жағдайлары ауыр. Барлығы өкпенің жасанды желдеткішіне қосылған. Естері медикаментозацияда, қанайналымы вазопрессорда. Екі науқастың вазопрессорының дозасы төмендетілді, деп хабарлайды Malim.kz.
Денсаулық сақтау министрлігінің мәлімдеуінше, тағы екеуі травматологияда. Жағдайдың нашарлауы байқалмайды, бір пациент вазопрессорлардан шығарылады және бір зардап шеккен адамның тониктерінің дозасы 3-тен 1-ге дейін төмендетілді.
Қырғызстан Республикасы денсаулық сақтау органдарымен 3 зардап шеккен адамды тасымалдау бойынша мәселелер пысықталу үстінде. Оның ішінде екеуінің жағдайы тасымалдауға келеді, біреуі ауыр жағдайда, ӨЖЖ аппаратында жатыр.
Әзербайжан Республикасынан екі пациентті эвакуациялау мәселесі бойынша дәрігерлермен консилиум өткізу, олардың тасымалдау жағдайындағы жай-күйіне баға беру жоспарланған.
Ақтау қаласындағы әуежай маңында жолаушылар ұшағының апатқа ұшырауы салдарынан зардап шеккен 29 адамның 27-сі Маңғыстау облыстық ауруханасына жеткізілген еді.
Пациенттер әр түрлі жарақатпен келген. Негізінен мидың жабық жарақаты, мидың шайқалуы, кеуде қуысының жабық жарақаттары, травматикалық шок.
Фото: Денсаулық сақтау министрлігі
