2025 жылы Қазақстандағы ақылы жолдармен жүру құны 50%-ға дейін қымбаттайды деп хабарлады Қазақстанның көлік министрі Марат Карабаев, бұл өзгеріс жолдарды күтіп ұстау және тозған жолдарды жөндеу үшін керек. Бұл туралы Власть сайты жазды.
«Біз 4 мың шақырымдық жаңа жол учаскелерін пайдалануға береміз. Ол жолдарда баға тұрақты болады. Ал пайдалануға бұрын берілген 17 учаскеде жағдай әртүрлі. Жолдарды күтіп ұстау аса қажет, сондықтан бағаны 40%-дан 50%-ға дейін арттырамыз», – деді Карабаев.
Сонымен қатар, жергілікті тұрғындар үшін тарифтер бұрынғы қалпында қалады: олар жылына шамамен 3 мың теңге төлейді. Тарифтер шетелдік және транзиттік көліктерге, сондай-ақ автомагистральдарды пайдаланатын азаматтарға қатысты қолданылады.
Фото: finance.digitalbusiness.kz
