Бірыңғай жинақтаушы зейнетақы қоры (БЖЗҚ) тоғыз ай ішінде 284,9 миллиард теңге шығынға ұшыраған, деп хабарлайды Malim.kz.
Бұл туралы Бірінші кредиттік бюро мәлім етті.
2025 жылдың қаңтар айында БЖЗҚ 9 ай ішінде алғаш рет инвестициялық шығынға ұшырады. Жалпы шығын сомасы – 284,9 млрд теңгені құрады, – делінген хабарламада.
Бюро мәліметінше, бұл жағдайға негізінен нарықтағы құбылмалылық және әртүрлі экономикалық факторлар әсер еткен. Мұндай жағдай 2024 жылдың сәуір айынан бері болмаған.
Бағалы қағаздардың қайта бағалануы 252,1 миллиард теңге жоғалтуға әкелсе, сыртқы басқарушылардың жұмысы қосымша 120,2 миллиард теңге шығын әкелген.
DataHub сарапшылары мұны әлемдегі тұрақсыздықпен байланыстырады. Бұған Дональд Трамптың жаңа тарифтер енгіземін деп қорқытуы, АҚШ-та жұмыссыздық деңгейі төмендеуі, нарықтың күрт өзгеріске ұшырауы себеп болған дейді мамандар. Бұған қоса, теңге бағамы күтпеген жерден нығайып, қор тағы 52,9 миллиард теңге жоғалтты.
Бағалы қағаздар 139,9 миллиард теңге кіріс әкелгенімен, бұл жалпы жағдайды құтқара алмады.
Бағалы қағаздарды қайта бағалаудан туындаған шығындар – 252,1 млрд теңгеге жеткен.Ал сыртқы басқару шығындары – 120,2 млрд теңгені құрады.
Фото iStock
