Энергетика министрлігі мемлекеттік атаулы әлеуметтік көмек пен тұрғын үй көмегін алушыларға тауарлық газға ваучерлер беру бойынша пилоттық жобаны іске қосу туралы бұйрық жобасын әзірледі, деп хабарлайды Malim.kz.
Пилоттық жоба Шымкент қаласы мен Батыс Қазақстан облысында іске асырылмақ.
Министрліктің мәлімдеуінше, жобаның мақсаты – әлеуметтік және тұрғын үй көмегін алушыларды тауарлық газды төлеуде жеңілдіктермен қамту және автоматтандыру. Жоба аясында «Отбасының цифрлық картасы» аналитикалық шешімі арқылы проактивті түрде халыққа әлеуметтік қолдау шаралары көрсетіледі. Жоба 2024 жылдың 5 қарашасынан 2025 жылдың 30 сәуіріне дейін жұмыс істейді.
Әлеуметтік көмек алушыларға арнайы әзірленген алгоритм бойынша, бірыңғай 1414 нөмірінен SMS-хабарлама жіберіледі. Бұл хабарлама eGov-mobile қосымшасын орнату қажеттілігі туралы ескертіп, онда «Әлеуметтік әмиян» қызметі көрсетіледі. Осы қызмет арқылы алушылар АО «QazaqGaz Aimaq» абоненттік шотына тауарлық газ ваучерін қоса алады.
Ваучер құны сол айдағы газ тұтыну көлеміне қарай анықталады. Құжат қоғамдық талқылау үшін 15 қарашаға дейін «Ашық НҚА» сайтында жарияланған.
Фото: pixabay.com
