Мемлекеттік сатып алу саласында не өзгерді?

Қаржы министрлігі соңғы өзгерістерді түсіндіріп берді

Мәди Саматұлы

  • 18.05.2024

Қаржы министрлігі Мемлекет басшысының «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасы аясында «Мемлекеттік сатып алу туралы» жаңа Заң жобасын әзірледі. Құжат мүдделі мемлекеттік органдармен және «Атамекен» ұлттық кәсіпкерлер палатасының өкілдерімен келісілді.

Заң сатып алынатын тауарлардың, жұмыстардың, көрсетілетін қызметтердің сапасын арттыруға, сатып алу процесінің мерзімдерін оңайлатуға және қысқартуға, рәсімдерді одан әрі автоматтандыруға, мемлекеттік сатып алуға қатысушылардың жауапкершілігін күшейтуге, сондай-ақ, сатып алу бойынша бірыңғай платформа құруға бағытталған.

Сонымен қатар, шағымдану тетігін, қоғамдық мониторинг институтын, «орнықты мемлекеттік сатып алу» элементтерін, сондай-ақ, ЕРС-келісімшарттар – «толық аяқталған» құрылыс, офтейк-келісімшарттарды енгізу көзделеді.

1.   Жеңілдету және мерзімін қысқарту

Бүгінде конкурсты өткізу мерзімі шамамен екі айды құрайды. Бұл барлық рәсімдік кезеңді сақтау қажеттілігіне байланысты – хабарландыру мерзімі, алдын-ала талқылау, алдын-ала рұқсат беру, шағымдану мерзімі және т. б. Бұл Қағидаларда сатып алудың барлық тәсілі бойынша ең қысқа мерзімдерді белгілеуге мүмкіндік береді (мысалы, конкурс бойынша 1 айға дейін).

2. Шағымдарды қараудың жаңа механизмі

Сатып алуды жедел өткізу, тапсырыс берушілерге көбірек өкілеттік беру, сондай-ақ, сатып алу рәсімдерінің кешіктірілуін болдырмау мақсатында, енді шағымдарды қарауды сатып алуды ұйымдастырушының өзі тікелей жүзеге асырады. Қорытындыға шағымдану құқығы жеңімпазды конкурстық комиссия айқындаған сатып алулар бойынша ғана көзделген. Бұл ретте, конкурстық комиссияның әкімшілік жауапкершілігі сақталады (ҚР ӘҚБтК 207-бабы).

Жеңімпаз веб-порталмен автоматты түрде анықталған сатып алу қорытындылары шағымдануға жатпайды. Бұл ретте, бақылаушы орган тарапынан сатып алу қорытындыларының күшін жою және қайта қарау құқығы алынып тасталады.

Сатып алу қорытындыларына сот тәртібімен шағымданған жағдайда, сатып алу рәсімдері тоқтатылмайды.

3. Өнім берушілердің жауапкершілігін күшейту

Үлестес компаниялардың сатып алуларына қатысу үшін шектеу шаралары күшейтілді. Міндеттемелерді тиісінше орындау мақсатында берілетін жұмыстар көлемі 50-ден 30%-ға дейін қысқартылды.

Тапсырыс берушінің жұмыстарды орындау орны бойынша тіркелген өнім берушінің материалдық және еңбек ресурстарының болуын талап ету құқығы көзделген.

4. Қоғамдық бақылау

Қоғамдық бақылау субъектілері веб-портал арқылы және ондағы қамтылған ақпарат негізінде «Қоғамдық бақылау туралы» Қазақстан Республикасының Заңына сәйкес мемлекеттік сатып алуға қоғамдық мониторинг жүргізе алады.

Осыған байланысты жұмыстарды орындау кестелерін, шарттардың орындалуы бойынша есептерді жалпы қолжетімділікте орналастыру, сондай-ақ, шарттардың орындалуын мониторингілеуге қоғамдық кеңестерді тарту ұсынылады.

5. EPC – келісімшарттар – «толық аяқталған» құрылыс

Жобаны іске асырудың барлық кезеңінде, жобалаудан бастап құрылысқа дейін және нысанды пайдалануға беруге дейін бір өнім берушінің құрылысты жүзеге асыруы. Бұл жобаны іске асыру уақытын қысқартуға мүмкіндік береді.

6. Офтейк келісімшарттары

Отандық тауар өндірушілерді қолдау мақсатында офтейк-келісімшарттарды қолдана отырып, тауарларды кепілдендірілген сатып алу жөніндегі жүйе енгізілуде.

7. Бір көзден сатып алу

Конкурсқа қатысуға бір өтінім ұсынылған жағдайда мұндай сатып алу өткізілді деп танылады және қайта конкурс өткізу қажет болмайды. Тапсырыс берушілердің маңызы болмашы сатып алуларды сатып алуы мақсатында бір көзден 100 АЕК-ке дейін тауарларды, жұмыстар мен қызметтерді 500 АЕК-ке дейін сатып алу құқығы көзделген. Ал ауылдық әкімдіктер үшін тауарларды, жұмыстарды, көрсетілетін қызметтерді сатып алу шегі 3 мыңнан 4 мың АЕК-ке дейін ұлғайтылды.

Бір көзден сатып алуды қысқарту мақсатында зияткерлік меншік нысандарына жататын тауарларды, көрсетілетін қызметтерді сатып алуға монополияға қарсы органның қорытындысы болған кезде ғана жол беріледі.

Заңда заңнаманы жақсартуға бағытталған құқық қолдану практикасының нәтижелері бойынша басқа да түзетулер қарастырылған.

Фото: Үкімет

Байланысты жаналықтар

Астана әкімдігі көшелердің бір бөлігінде жаңбыр суын кетіруге 2,7 млрд теңгеден астам қаржы жұмсамақ

17.06.2024

Судьялардың жауапкершілігі күшейтіледі

14.06.2024

Елорда әуежайының жұмыс уақыты ұзартылды

14.06.2024

Тоқаевтың президент қызметіне кіріскеніне 5 жыл толды. Елімізде қандай өзгерістер болып жатыр

12.06.2024

Қарағанды облысы әкімдігі мердігерге орындалмаған жұмыс үшін 15 млн теңге төлеген

04.06.2024

Мемлекеттік сатып алу туралы жаңа заң: Қаржы министрлігі құжаттың артықшылығын түсіндірді

22.05.2024
MalimBlocks
Астана әкімдігі көшелердің бір бөлігінде жаңбыр суын кетіруге 2,7 млрд теңгеден астам қаржы жұмсамақ

Конкурсқа қатысуға өтінімдерді алдын ала қабылдау 24 маусымда басталып, 9 шілдеге дейін жалғасады.

Судьялардың жауапкершілігі күшейтіледі

Конституциялық заң жобасының мақсаты – сот төрелігінің атқарылу сапасын, судьялар корпусының кәсіби біліктілігін, олардың жауапкершілігі мен тәуелсіздігін арттыруға бағытталған құқықтық тетіктерді жетілдіру арқылы сот жүйесін одан әрі дамыту.

Елорда әуежайының жұмыс уақыты ұзартылды

Бүгінде әуежайдың негізгі жұмысына кедергі келтірмейтін магистральді жолақта жөндеу жұмысы жүріп жатыр. 

Тоқаевтың президент қызметіне кіріскеніне 5 жыл толды. Елімізде қандай өзгерістер болып жатыр

Әрине, қоғам бірінші кезекте саяси реформаларды күтті.

Қарағанды облысы әкімдігі мердігерге орындалмаған жұмыс үшін 15 млн теңге төлеген

Аудан прокуратурасының қадағалау актісі негізінде кінәлі лауазымды тұлғалар тәртіптік жауапкершілікке тартылды.

Мемлекеттік сатып алу туралы жаңа заң: Қаржы министрлігі құжаттың артықшылығын түсіндірді

Енді конкурс шешімі шыққаннан кейін мемлекеттік аудит органдарына шағымдар қабылданады.