Қазақстанда пәтерін жалға беретін азаматтар жылдық табысына сәйкес салық төлеуі тиіс. Бұл талаптарды Мемлекеттік кірістер комитеті бекіткен, деп хабарлайды Malim.kz Информбюро бағдарламасына сілтеме жасап.
Сонымен салық төлеу тәртібі келесідей:
Пәтерін жалға беретін азаматтың жылдық табысы есептеледі. Мысалы айына 200 000 теңгеге жалға берсе, жылдық табысы 2 400 000 теңге болады. Осы сомадан 10% мөлшерінде жеке табыс салығы ұсталады.
Зейнетақы жарнасы, әлеуметтік төлемдер мен медициналық сақтандыру бұл салыққа кірмейді.
Жеке кәсіпкер ретінде тіркелу міндетті емес, бірақ бұл табысты заңдастырудың бір жолы. Барлық азаматтар жыл сайынғы кірістер мен мүлік туралы декларацияны келесі жылдың 15 қыркүйегіне дейін тапсыруы керек. Бұл талаптарды орындамаған жағдайда салық органдары әкімшілік шаралар қолдануы мүмкін, - деп хабарлады Мемлекеттік кірістер комитеті.
Фото: istockphoto.com
MalimBlocks
