Қазақстанда екінші деңгейлі тоғыз банк таратылуы мүмкін, - деп хабарлайды Malim.kz тілшісі Digital Business-ке сілтеме жасап.
Бұл тізімде Tengri Bank, Capital Bank Kazakhstan, Asia Credit Bank және Астана банкі бар.
Қаржы ұйымдары бойынша өтемақы төлеу мерзімі аяқталған, ал талап етілмеген қаражат Бірыңғай жинақтаушы зейнетақы қорындағы (БЖЗҚ) салымшылардың жеке зейнетақы шоттарына аударылған. Алайда белгіленген мерзімнен кешігіп қалған, бірақ оған негізді себептері бар салымшылар әлі де өтемақы алуға өтініш бере алады.
Қазақстанның депозиттерге кепілдік беру қоры 2025 жылғы 1 наурыздағы жағдай бойынша 40 салымшыға 60 миллион теңгеден астам қаражат өтеген.
Өтемақы мерзімін өткізіп алған салымшылар үшін құрметті себептер:
Әскери қызметке шақырылу;
Қазақстан аумағынан тыс жерде болу;
Мұрагерлік рәсімдеу;
Бас бостандығынан айыру орындарында болу;
Сот белгілеген өзге де жағдайлар.
Құқығын растау үшін азаматтар әрбір жағдайды дәлелдейтін құжаттарды ұсынуы керек. Мысалы, әскери борышын өтегендер әскери қызмет туралы құжаттарды, ал шетелде болған азаматтар паспорттағы шекарадан өту белгілерін көрсетуге тиіс.
Фото: Pixabay.com
