Қазақстанда салық саны қысқарады

Қазақстанда салық саны қысқарады. Бұл туралы еліміздің вице-премьері, ұлттық экономика министрі Серік Жұманғарин мәлімдеді, - деп хабарлайды Malim.kz тілшісі. 

Мәжілісте қаралып жатқан жаңа Салық кодексінің жобасында тиісті нормалар көрсетілген.

"Біз салықтар, төлемдер мен алымдардың санын қысқартамыз. 12 салықтың орнына 11 салық болады. 10 төлемнен екі төлем алынады: жарнама орналастыру төлемі мен лицензияларды пайдалану төлемі. Үш төлем біріктіріледі: су ресурстарын пайдалану, орман және жануарлар дүниесін пайдалану төлемдері. Бұл төлемдер бір төлемге біріктіріліп, табиғи ресурстарды пайдалану төлемі болады", — деп мәлімдеді Серік Жұманғарин Парламент Мәжілісінің пленарлық отырысында.

Бұл төлемдер бойынша ставкалар саны 77-ге қысқартылатын болады.

Сонымен қатар, құжат әзірлеушілер алты түрлі жинақтарды қысқартуды ұсынып отыр. Оларға 34 ставка алып тасталады.

Бұдан бөлек, бес түрлі мемлекеттік баж салығы алып тасталып, 51 ставка қысқартылады.

Еске салайық, қазір Мәжіліс салық кодексіне енгізілген өзгерістерді бірінші оқылымда қарастырып жатыр. Бұған дейін жаңартылған кодекстегі НДС ставкасы 16 пайыз болатыны, ал НДС бойынша шек 10 000 МРП (шамамен 40 миллион теңге) деңгейінде белгіленетіні айтылған еді. 

Фото: Pixabay.com