Антикор Гүлмира Сатыбалдыға байланысты тергеудің бір бөлігін аяқтады. Ол кәсіпорындардың қатысу үлесін заңсыз иемдену, соның ішінде адам ұрлаумен қатысты екі факті бойынша тергеуге алынған.
Жәбірленушіге келтірілген шығын құны - 6,6 млрд теңгеден асқан. 15 желтоқсанда қылмыстық іс айыптау актісімен бірге прокуратураға жолданды.
Гүлмира Сатыбалды және оның бақылауындағы «Ария-Жаңа Астана» ЖШС компаниясының басшылығы, сондай-ақ мемлекеттік органдардың лауазымды тұлғалары объектілерді салуға бөлінген бюджет қаражатын ұрлады деген күдікке ілінген. Тергеу аясында мемлекетке келген залал толығымен өтелді.
Осы факті бойынша да сотқа дейінгі тергеу аяқталып, іс күдіктілер мен олардың адвокаттарына танысуға берілді. Сатыбалдыға қатысты бизнесті басып алу және заңсыз бас бостандығынан айырудың басқа эпизодтары бойынша тергеу жалғасып жатыр.
