Словакия полициясы 8 адамды, оның ішінде елдің Қорғаныс министрлігінің төрт шенеунігін Украинаға көмек қаражатын мақсатсыз пайдалану ісі бойынша ұстады, деп хабарлайды Reuters агенттігі.
Істі Еуропалық прокуратура қозғаған. Оған себеп — Украинадағы соғыс басталған 2022 жылдың басында мемлекеттік Konstrukta қорғаныс компаниясынан 12 мың миномет снарядын сатып алу болған. Прокуратураның пікірінше, оқ-дәрілер қымбат бағада алынған. Қаражатты мақсатсыз пайдалану сомасы 7,4 миллион еуроны құрауы мүмкін деп есептейді прокуратура.
Фото: Ken Cedeno/AFP/Getty Images
