Алматы облысында оқушыны қатарластары соққыға жыққан (ВИДЕО)
Адвокаты қылмыстық істің баяу жүріп жатқанын айтады
Бұл оқтиға туралы адвокат Алена Нефф әлеуметтік желіде жариялады. Оның жазуынша, биыл 20 шілдеде бір отбасы адвокатқа баласының соққыға жығылғанын айтып жүгінген. Оқиға Талғар ауданында болған, деп хабарлайды Malim.kz.
Оның жазуынша, жаөспірім бала өзі қатарлас жігіттермен танысып, олармен азғантай уақыт араласқан. Алайда, көп ұзамай олардың теріс пиғылын көріп, нақтырақ айтқанда, басқа құрдастарына, кіші балаларға жасайтын жағымсыз әрекеттерінен кейін олармен араласуды тоқтатқан.
Біршама уақыт олармен араласқысы келмей, аулақ жүруге тырысады. Оның бұл ісін әлгілер қырын қабылдайды. Сөйтіп, араласпай кеткені үшін бірнеше апта бойы ескі таныстары түрлі себеп тауып, оны кездесуге шақыра бастайды. Бірақ ниеті болмай, оған да бармай қояды.
Алайда бір күні көшеде кездесіп қалады.
Сөйтіп, сыртқа, адам жүрмейтін далалық жерге алып кетеді. Қоршап алып, біреуі телефон камерасына түсіре бастайды. Сөйтіп, тағы бірі шығып, баланы боқтап, ұрып-соға бастайды. Сонымен бірге, сөздерінен ақша бопсалағаны да көрініп тұр.
Бұл видеоны таныстары байқап қалып, ата-анасына жолдаған. Ең қызығы, бұзақы балалардың ата-аналары өз балаларын тәрбиелеудің орнына, зардап шеккен отбасына қарсы шағымын білдірген.
Бүгінде бұл іс бойынша қылмыстық іс қозғалған, бірақ, адвокат істің тым баяу жүріп жатқанына қапалы.
Фото: бейнежазбадан скриншот
